ރަމަޟާން މަހުގައި ރޯދަ ހިފުމާއި، ތަރާވީހު ނަމާދު ކުރުމަކީ އަޅުކަމުގެ މުހިންމު ބައެކެވެ. ނަމަވެސް، ބައެއް ފަހަރު އަޅުގަނޑުމެންނަށް ދިމާވާ ކަންތައްތަކުގެ ސަބަބުން މި އަޅުކަންތައް ފުރިހަމަ ކުރުމަށް ދަތިތަކާ ކުރިމަތިލާން ޖެހެއެވެ. މިފަދަ ކަމެއްގެ ތެރޭގައި ތަރާވީހު ނަމާދަށް ހުއްޓާ ފާހަނާއަށް ދާންޖެހުން ހިމެނެއެވެ. މިއީ ބައެއް މީހުންނަށް އާއްމުކޮށް ދިމައިވާ ކަމެކެވެ. އަދި މިއީ ބައެއްފަހަރު ވަރަށް އުނދަގޫވެސް ކުރުވާ އަދި ލަދުވެސް ގަންނަ ފަދަ ކަމެކެވެ.
މިކަމާ ގުޅިގެން އެންމެ ފުރަތަމަ ކަމަކަށް، ރޯދަ ވީއްލައިގެން ކެއުން ބައްޓަންކުރަންވީ ރަނގަޅު ގޮތާ މެދު ވިސްނާލަމާ ހިނގާށެވެ. ރޯދަ ވީއްލުމުގައި ސަމާލުވާންޖެހޭ މުހިންމު ކަމަކީ ހަށިގަނޑަށް ބޭނުންވާ ކެއުމާއި ބުއިން ހަމަޖެއްސުމެވެ. ނަމަވެސް، މިކަން ކުރަންވާނީ މެދު މިންވަރަކަށެވެ. ގިނަ އަދަދަކަށް ކައިގެން ބަނޑު ފުރާލުމަކީ ރަނގަޅު ކަމެއް ނޫނެވެ. މިގޮތަށް ކައިފިނަމަ، ތަރާވީހު ނަމާދަށް ދިއުމަށް ދަތިވެ، އަދި ނަމާދުގައިވެސް ފޯކަސް ގެއްލި، ކޭތަކެތި ހަޖަމު ނުވުމުގެ ސަބަބުން އުނދަގޫތަކަކާއި ކުރިމަތިލާން ޖެހިދެއެވެ. އަދި ނަމާދުގައި ހަރަކާތްތެރިވެ ހެދުމުން، ހަޖަމުވާން ފަށާ އަދި ވައި ބޭރުވާން ފަސޭހަވެ، ފާހާނާއަށް ދާންޖެހުމުގެ ފުރުސަތު އިތުރުވެއެވެ.
ރޯދަ ވީއްލުމުގައި ރަނގަޅު ގޮތަކީ ކަދުރު ފަދަ ލުއި އެއްޗަކުން ފެށުމެވެ. އޭގެ ފަހުން ފެން ބޯލުމަށްފަހު، ލުއި ކެއުމެއް ކެއުމެވެ. މިސާލަކަށް، ސޫޕެއް ނުވަތަ ސެލެޑެއް ފަދަ އެއްޗެކެވެ. ތަރާވީހު ނަމާދަށްފަހު އިތުރު ކާނާ ކެއުމަކީ ރަނގަޅު ކަމެކެވެ. މިގޮތަށް ކެއުން ބައްޓަންކޮށްފިނަމަ، ތަރާވީހު ނަމާދު ފަސޭހަކަމާއެކު އަދާކުރެވޭނެއެވެ.
ދެން އަންނަނީ ނަމާދަށް ހުއްޓާ ފާހާނާއަށް ދާންޖެހިއްޖެނަމަ އަމަލުކުރާނެ ގޮތުގެ ވާހަކައެވެ. މިއީ ވަރަށް ގިނަ މީހުންނަށް ދިމާވާ ކަމެކެވެ. އިސްލާމްދީނުގައި މިފަދަ ހާލަތްތަކަށް ޙައްލު އޮވެއެވެ. ފާހާނާއަށް ދާންޖެހުމަކީ އޭގެ ސަބަބުން ވައި ބޭރުވެ ވުޟޫ ގެއްލޭ ކަމެކެވެ. އެހެންކަމުން، މިހާލަތުގައި މިސްކިތުން ފައިބާނީއެވެ. މާ ކުރީ ސަފެއްގައި ހުއްޓަސް މަޑުމަޑުން މިސްކިތުން ފައިބާނީއެވެ. ދެން ފާހާނާކުރަން ގޮސް، ފާހާނާއިން ނުކުމެ އަލުން ވުޟޫކޮށް، ނަމާދު ފަށާ ހިސާބުން ފަށައިގެން ނަމާދު ފުރިހަމަ ކުރާނީއެވެ.
ނަމަވެސް، މުހިންމު ކަމަކީ ނަމާދު ފެށުމުގެ ކުރިން ފާހާނާއަށް ދިއުމުގެ ބޭނުން ފުއްދާލުމެވެ. މިއީ ނަމާދުގައި ޚުޝޫޢަތްތެރިކަން ހިފެހެއްޓުމަށް އެހީވެދޭނެ ކަމެކެވެ. އަދި ހަމައެހެންމެ، ރޯދަ ވީއްލާއިރު ބޯ ފެނުގެ މިންވަރާއި ކާ ކާނާގެ މިންވަރު ކޮންޓްރޯލް ކުރުމަކީވެސް މުހިންމު ކަމެކެވެ. މިކަމުގެ ސަބަބުން ނަމާދުގައި ހުއްޓާ ފާހާނާއަށް ދާން ޖެހުމުގެ ފުރުސަތު ކުޑަވާނެއެވެ.
އެހެންކަމުން، ރަމަޟާން މަހުގެ އަޅުކަންތައް ފުރިހަމަ ކުރަން އުނދަގޫވާގޮތަށް މި މަހުގައި އެއްވެސް އަމަލެއް ބައްޓަން ނުކުރާށެވެ. އެއީ ކެއުން ކަމުގައި ވިޔަސް މެއެވެ. އެހެންކަމުން ތަރާވީހް ނަމާދުގައި ހުއްޓާ ފާހާނާއަށް ދާންޖެހިއްޖެނަމަ އަމަލު ކުރާނޭ ގޮތާއި އަދި އެފަދަ ހާލަތެއް މެދުވެރިވިޔަ ނުދިނުމަށް ކެއުން ބައްޓަންކުރަންވީ ގޮތުގެ ހުލާސާ އިރުޝާދެއް ދެވުނު ކަމުގައި އުންމީދުކުރަމެވެ.
