މިހާރަކަށް އައިސް މުސްލިމް އަންހެނުންނަށް ކާފިރު އަންހެނުން ދެކެ ލޯބިވެވި، އަދި އެގުޅުމުގެ ތެރެއިން ހަމައެކަނި ނަމަކަށް އިސްލާމްވެ އެބަ ކައިވެނިކުރެއެވެ. އެކަން (ފިރިހެން މީހާގެ ނިޔަތް، އޭނާ އެހުރީ ހިތުގެ އަޑިން އިސްލާމްވެގެން ނޫންކަން) ކައިވެނިކޮށްދޭ ޤާޟީއަށް ނުވަތަ އެހެން ބައަކަށް ނުއެނގުނަސް ގިނަ ފަހަރު އަންހެން މީހާއަށް ރަނގަޅަށް އެނގެއެވެ. އެޙާލަތުގައި އެއީ ވަރަށް ބޮޑު މައްސަލައެކެވެ. އެކަން އަންހެން މީހާއަށް ނުއެނގޭނަމަ ކުރާނެ ކަމެއް ނެތެވެ. ހިތުގައި އޮންނަކަމެއް ތެދަށް ނުބުނާނަމަ ނުއެނގޭނެތީއެވެ.
މިކަން މައްސަލައަކަށްވަނީ މުސްލިމް އަންހެނުން ބިރުވެތިވާންޖެހޭނެ ކަމެކެވެ. އެނގިހުރެ އިސްލާމް ދީން ޤަބޫލުނުކުރާ ކާފިރަކާ ކައިވެނިކުރެވޭތީއެވެ.
ސުވާލު-: ކައިވެނިކުރެވޭ މީހާ (ފިރިހެންމީހާ) ހުރީ ނަމެއްގަ އިސްލާމްވެގެންކަމާ، އޭނާއަކީ އިސްލާމް ދީން ޤަބޫލުނުކުރާ ކާފިރެއްކަން އަންހެން މީހާއަށް އެނގިހުރެ ކުރާ ކައިވެނި ޞައްޙަވާނެތޯ؟
ޖަވާބު: ނުވާނެ!
ދެން ނިކަން ވިސްނަވައިލަބައްލަވާށެވެ! އެފަދަ ގޮތަކަށް ކައިވެނިކުރިނަމަވެސް އެ ކައިވެނި ޞައްޙަނުވުމުގެ ސަބަބުން އެކައިވެނިމަތީގައި ތިބެގެން ކުރެވެންދާނީ ފާފަތައް ކަމާއިމެދުގައެވެ. މިހުރީ އިންތިހާއަށް ބިރުވެތިވާންޖެހޭ ކަންކަން ނޫންތޯ؟
ސުވާލު:. މުސްލިމު އަންހެނަކާ ކާފަރު ފިރިހެނަކާ ކައިވެނި ނުކުރެވެނީ ކީއްވެ؟ އަދި އޭގެ ތަފްސީލަކީ ކޮބައިތޯ؟
ޖަވާބު:. އާދެ! ކައިވެނީގެ ބޭނުމަކީ އެއީ ޙަޤީޤަތުގައި، އެންމެ މުހިންމު އެއް ބޭނުމަކީ ދެމަފިރިންގެ ކެތްތެރިވުން؟؟ (57:20 މިނިޓު) ދެން އަނެއް ކަމަކީ ޢާއިލާއެއް ބިނާކުރުން. ޢާއިލާއެއް ބިނާކުރަން ބަލާއިރުގައި ކައިވެނި މި ކުރެވެނީ ކައިވެނީގެ ނުވަތަ އާއިލާގެ އިސް ވެރިއަކަށް މި ލަނީ އިސްލާމްދީން ޤަބޫލުކުރާ މީހެއް ނޫން. އެހެން ދީނެއްގެ މީހެއް. އެހެން ވެއްޖެ ކަމަށް ވަނީނަމަ، ލިބޭ ދަރިން ތަރުބިއްޔަތު ކުރާނީ ކިހިނެއްތޯ؟ ލިބޭ ދަރިންނަކީ ވަރަށް ބޮޑު އަމާނާތެއް. އެ ކުދިންނަށް ހެޔޮމަގު ދައްކައިދިނުމަކީ އެއީ މަންމައާއި ބައްޕަ ކުރަންޖެހޭ ކަމެއް. އެހެންވީމާ މުސްލިމް ނޫން މީހަކަށް ޢާއިލާގެ ހުންގާނު ދީގެން، ދެން ލިބޭ ދަރީންނަށް އިސްލާމީ ދަރުބިއްޔަތު ދޭނެ ގޮތަކީ ކޮބައިކަން އެއީ ހަމަ އަޅުގަނޑުމެންނަށް ވިސްނައިލަން ޖެހޭ ކަމެއް. އެހެންވީމާ އެފަދަ އެތައް ސަބަބުތަކަކަށް ޓަކައި އިސްލާމްދީނުގައި މުސްލިމު އަންހެނަކަށް ކާފަރު ފިރިހެނަކާ ކައިވެނި ނުކުރެވޭ ގޮތަށް ކަނޑައަޅުއްވައިފައިވަނީ. ވަﷲ އަޢުލަމް.
ސުވާލު:. މުސްލިމު އަންހެނަކާ ކާފަރު ފިރިހެނަކާ ކައިވެނި ނުކުރެވެނީ ކީއްވެތޯ؟ އޭގެ ތަފްސީލަކީ ކޮބައިތޯ؟ އެ ސުވާލުގެ އެ ބޭފުޅާގެ އޭގެ އިތުރު އަދި އެބަ އޮތް އޭގެ އަނެއްކޮޅު. މުސްލިމް ފިރިހެނަކާ މުސްލިމު ކާފަރު އަންހެނަކާ ކައިވެނި ކުރެވެނީ ކީއްވެގެންތޯ؟
ޖަވާބު:. އަހުލުކިތާބީން. ނުވަތަ ނަޞާރާއިންގެ ތެރެއިން އަންހެނަކާ މުސްލިމު ފިރިހެނަކަށް ކައިވެނި ކުރެވިދާނެ ކަމަށް އޮންނަނީ. އެހެން ނަމަވެސް މި ގޮތަށް އަހުލުކިތާބީންގެ އަންހެނަކާ މުސްލިމު ފިރިހެނަކާ ކައިވެނި ކުރެވިދާނެ ކަމަށް އޮތް ކަމުގައިވީ ނަމަވެސް، އެއާ އެކުގައި ވެސް ﷲ ސުބުޙަނަހޫ ވަތަޢާލާ ވަޙީކުރައްވައިފައިވޭ. — މާނައީ؛ ”ތިޔަބައިމީހުން ކިތަންމެ ލޯބިވީ ކަމުގައިވީ ނަމަވެސް އަޅު މުސްލިމު އަންހެނަކު ވެސް މާ ހެޔޮކަންބޮޑޭ މުޝްރިކު އަންހެނަކަށް ވުރެން.“ އެހެންވީމަ މާނައަކީ ކިތަންމެ ނިކަމެތި އަންހެނެއް ކަމުގައިވީ ނަމަވެސް، އެއީ މުސްލިމެއް ކަމުގައި ވަނީނަމަ، ކިތަންމެ މުއްސަނދި ކިތަންމެ މޮޅު މުޝްރިކު އަންހެނަކަށް ވުރެން ވެސް އޭނަ މާ ހެޔޮކަންބޮޑޭ ކައިވެނިކުރަން.
އެ ގޮތަށް ބާރުއަޅުއްވައިފައިވަނީ. ކޮންމެއަކަސް ފިރިހެނަކަށް އެކަން ކުރުން ހުއްދަވެފައި އަންހެނަކަށް ހުއްދަނުވާ އެއް ޙިކުމަތެއްގެ ގޮތުގައި އަޅުގަނޑަށް ވިސްނެނީ، ޢާއިލާގެ ވެރިއަކަށް މި ހުންނަނީ ކޮންމެ ގޮތެއް ވިޔަސް ފިރިމީހާ. އެހެންވީމާ ފިރިމީހާގެ ބާރުގެ ދަށުގައި ޙަޤީޤަތުގައި ޢާއިލާގެ ކަންކަން ހިނގުން މި އޮންނަނީ. އެހެންވީމާ ޢާއިލާގެ ވެރިއަކަށް މި ހުންނަނީ ފިރިހެނެއް ކަމަށް ވާއިރުގައި، ފިރިހެންމީހާއަކީ އެއީ މުސްލިމް ނޫން މީހެއް ކަމަށް ވަނީނަމަ، ލިބޭ ދަރީންނަށް އޭގެ ނޭދެވޭ އަސަރު މާ ބޮޑަށް ކުރާނެތީ އެހެންވެގެން މުސްލިމް އަންހެނަކަށް ކާފަރު ފިރިހެނެއްގެ ޢިޞްމަތުގެ ދަށަށް ދިއުން ހުއްދަވެގެންނުވާ ސަބަބެއްގެ ގޮތުގައި އެ އޮންނަނީ. ވަﷲ އަޢުލަމް.
