އިސްރާއީލާއި ދެކޮޅަށް ރަސްމީކޮށް ހަނގުރާމަ އިއުލާނުކުރަން އިރާނުން ތައްުޔާރުވެފައިވާ ކަމަށް ރިޕޯޓުތައް ބުނެފި އެވެ.
އިރާނު އަސްކަރިއްޔާގެ އިސް އޮފިޝަލަކާއި ހަވާލާދީ އިރާނުގެ ބައެއް ނޫސްތަކުން ރިޕޯޓުކުރާ ގޮތުގައި ރަަސްމީކޮށް ހަނގުރާމަ ފެށުމަށްޓަކައި ވާންޖެހޭ ތައްޔާރީތައް އަސްކަރިއްޔާއިން މިހާރު ދަނީ ވަމުންނެވެ. އަދި ފާއިތުވި ދެ ރޭ އިސްރާއީލަށް ދިން ހަމަލާތަކަކީ އިސްރާއީލުން ދިން ހަމަލާތަކުގެ ބަދަލު ހިފުމެއް ކަމަށާއި އެއީ ރަސްމީކޮށް ހަނގުރާމަ އިއުލާނު ނުކޮށް ދިން ހަމަލާތަކެއް ކަމަށް އިސް އޮފިޝަލާއި ހަވާލާދީ އިރާނުގެ ބައެއް ނޫސްތަކުން ވަނީ ރިޕޯޓުކޮށްފައި އެވެ.
އޮފިޝަލް އިތުރަށް ވިދާޅުވީ ހަނގުރާމަ ރަސްމީކޮށް ފެށުމަށް ތައްޔާރީތައްވަމުން ދިޔަ ނަމަވެސް ރަސްމީ އޯޑަރު ދެއްވާނީ އިރާނުގެ ސުޕްރީމް ލީޑަރު އާޔަތުالله ޢަލީ ޚާމަނާއީ ކަމަށެވެ.
އަސްކަރިއްޔާގެ އިސް އޮފިޝަލަކާއި ހަވާލާދީ އިރާނު މިޑިއާތަކުން މިފަދައިން ރިޕޯޓުކުރަން ފެށި އިރު މިއަދު އިރާނުގެ އަސްކަރިއްޔާއިން ވަނީ އިސްރާއީލު ހަމަލާތަކުން ސަލާމާތްވުމަށް އެގައުމުގެ މިސްކިތްތަކާއި މެޓްރޯ ސްޓޭޝަންތައް ބޭނުންކުރުމަށް އާންމުންނަށް އަންގާފައި އެވެ.
އަދި އިރާނުގެ އަސްކަރިއްޔާގެ ބައެއް ބިންގަރާސްތައްވެސް ދާދި އަވަހަށް އާންމުންނަށް ހުޅުވާލާނެ ކަމަށްވެސް ރިޕޯޓުތައް ބުނެއެވެ.
