އެމެރިކާއަށް ދިމާވާނެ އެންމެ ބޮޑު މައްސަލައަކީ ސީރިއާ، ޢިރާޤު، ޖޯޑަން، ކުވައިތު، ބަހުރެއިން، ޤަތަރު، އަދި ޔުނައިޓެޑް އަރަބް އެމިރޭޓްސްގެ އަސްކަރީ މަރުކަޒުތަކުގައި ތިބި އެމެރިކާ ސިފައިންނާއި އާންމުންގެ 40،000 އަށް ވުރެ ގިނަ މީހުންގެ ސަލާމަތާއި، ބިލިއަން ޑޮލަރުގެ އަސްކަރީ ސާމާނު ބެލެހެއްޓުމުގައި ދިމާވާނެ ހިރާސްއެވެ. ސެކިއުރިޓީ ފާރމެއެއް ކަމަށްވާ ގްލޯބަލް ގާޑިއަންގެ ނައިބު ރައީސް ކާނަލް ސެތު ކްރަމިޗް ވިދާޅުވީ ”އީރާނުގެ ބެލިސްޓިކް މިސައިލްތައް ތައްޔާރަށް ހުރިނަމަ 15 މިނެޓަށް ވުރެ ކުޑަ ވަގުތުކޮޅެއްގެ ތެރޭގައި، އެ މިސައިލްތަކުން، އެމެރިކާގެ ކޮންމެ މަރުކަޒަކަށް ހަމަލާދެވޭނެއެވެ. މިހާރު، އެމެރިކާގެ އަސްކަރީ މަރުކަޒުތަކަށް އަމާޒުކޮށްގެން ޙަމަލާ ދިނުމުގެ ޤާނޫނީ ޙައްޤު އީރާނަށް ލިބިގެންވެއެވެ.
އީރާނުން އެމެރިކާގެ މި ބޭސްތަކަށް ހަމަލާތައް ދޭނެ ކަމުގެ 100 ޕަސެންޓް ޔަގީނެވެ. ސިޔާސީ ކަންކަމުގެ ސަބަބުން އީރާނުން، ކުވައިތާއި ބަހުރެއިން އަދި ޔުނައިޓެޑް އަރަބް އެމިރޭޓްސްއަށް ދޭ ހަމަލާތައް ހަނިކޮށްފާނެއެވެ. އެހެން ނަމަވެސް، ޢިރާޤާއި ސީރިއާގައި ހުރި އެމެރިކާގެ މަރުކަޒުތަކަށް ޙަމަލާ ދިނުމުގެ ފުރުސަތު ބޮޑެވެ. އީރާނުން ވަނީ މިއަދުގެ ވަގުތެއްގައި ހުރުމޫޒު ކަނޑުއޮޅި ބަންދުކުރާނެ ކަމަށް ބުނެފައެވެ.
