ދުންފަތުގެ އިސްތިއުމާލުކުރުން އެއްކޮށް ހުއްޓާލާ ރަށްރަށުގެ އާބާދީގެ ކޮންމެ ރައްޔިތަކަށް ފައިސާގެ އިނާމެއް ދިނުމަށް މަސައްކަތް ކުރައްވަމުން އަންނަކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެެއެވެ.
ރައީސް މުއިއްޒު އެކްސްގައި ކުރެއްވީ ޕޯސްޓެއްގައި ވިދާޅުވީ ދުންފަތުގެ އިސްތިއުމާލު ކުރުން އެއްކޮށް ހުއްޓާލާ ރަށްރަށުގެ ކޮންމެ މީހަކަށް ފައިސާގެ އިނާމެއް ނުވަތަ އިނާޔަތެއް ދިނުމަށް ނިންމާފައިވާކަމަށެވެ. އަދި އެކަމާއި ގުޅޭ މަސައްކަތް ކުރަން ކަމާއި ގުޅޭ ކަރުދާހެއް ތައްޔާރުކުރަން ވަޒީރުންނަށް އަންގާފައިވާކަމަށް ރައީސް މުއިއްޒު ވިދާޅުވިއެވެ.
“ ދުންފަތުގެ އިސްތިއުމާލުކުރުން އެއްކޮށް ހުއްޓާލާ ރަށްރަށުގެ އާބާދީގެ ކޮންމެ ރައްޔިތެއްގެ ބޭންކް އެކައުންޓަށް ޖަމާކޮށްދޭ ފައިސާގެ އިނާމެއް ނުވަތަ އިނާޔަތެއް ދިނުމާ ގުޅޭ ގޮތުން ދިރާސާއެއް ހެއްދެވުމަށްފަހު، އެކަމާގުޅޭ ކަރުދާހެއް ތައްޔާރުކުރައްވައި ހުށަހެޅުއްވުމަށް، މި ހަފްތާގައި ބޭއްވި ވަޒީރުންގެ މަޖިލީހުގެ ޖަލްސާގައި ކަމާބެހޭ ވަޒީރުންނަށް ވާނީ ދަންނަވާފައި.“ ރައީސް މުއިއްޒު އެކްސްގައި ކުރެއްވި ޕޯސްޓެއްގައިވެއެވެ.
ދުންފަތުގެ އިސްތިއުމާލު ކުރުމުން ދުރުހެލިވެފައިވާ ދުޅަހެޔޮ މުޖުތަމަަކަށް ހެދުމަށް ސަރުކާރުން އަންނަނީ ފިޔަވަޅުތަކެއް އަޅަމުންނެވެ. އެގޮތުން ޒުވާނުން ދުންފަތުގެ އިސްތިއުމާލުކުރަން ނުކުންނަ ދޮރުތައް ބަންދުކުރުމުގެ މަސައްކަތްވެސް އަންނަނީ ކުރަމުންނެވެ.
ސަރުކާރުން އަޅާފައިވާ ބައެއް ފިޔަވަޅުތައް
- ރާއްޖޭގައި ވޭޕް ބޭނުންކުރުމާއި ރާއްޖެއަށް ވޭޕް އެތެރެކުރުން މަނާކުރުން.
- 21 އަހަރު ނުފުރޭ މީހުންނަށްވެސް ދުންފަތް ވިއްކުން ވަނީ މަނާކުރުން
- 2007 އިން ފެށިގެން އުފަންވި އަދި އުފަންވާ ކުދިންގެ ޖީލަށް ދުންފަތް މަނާކުރުން.
- ދުންފަތާއި ސިނގިރޭޓުން ނަގާ ޓެކްސް ވަނީ ބޮޑުކުރުން
ގުޅުންހުރި ލިޔުންތައް
