މިއަދު މެންދުރާ ހަމައަށް ރާއްޖޭގެ ބޮޑު ބަޔަކަށް ވިއްސާރަކޮށް ވައިވެސް ގަދަ ވަނާކެމަށް މޫސުމާއި ބެހޭ ގައުމީ އިދާރާއިން ބުނެފިއެވެ.
މެޓް އޮފީހުން ވަނީ ސަމާލުވާން އަންގާ ހދ އަތޮޅުން ފެށިގެން ދ އަތޮޅޫގެ ނިޔަލަށް ހުދު ސަމާލު ނެރެފައެވެ.
އެ ސަރައްހައްދުތަކަށް ހެނދުނު 08:30 ފެށިގެން 14:30 އަށް ގުގުރުމާއި އެކު ބޯކޮށް ވާރޭ ވެހޭނެކަމަށް މެޓް އޮފީހުން ބުނެއެވެ. އަދި ވިލާގަނޑުގައި 40 މޭލަށް ވައި ގަދަވެ ކަނޑުތައްވެސް ގަދަވާނެކަމަށް މޫސުމާއި ބެހޭ ގައުމީ އިދާރާއިން ބުނެއެވެ.
މެޓް އޮފީހުން ބުނީ ދެކުނާއި ހުޅަނގުދެކުނުން ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައި ވައިޖެހޭނެކަމަށެވެ. އަދި އާދައިގެވަރަކަށް ކަނޑުގަދަވާނެކަމަށާއީ ރާޅުގެ އުސްމިން ހުންނާނީ 3 – 5 ފޫޓު ދެމެދުގައިކަމަށްވެސް މެޓް އޮފީހުން ބުނެއެވެ.
ގުޅުންހުރި ލިޔުންތައް
