އީރާނުން ޔަހޫދީ އިޒްރޭލާ ދެކޮޅަށް ދިގުލީ ބޮޑު ހަނގުރާމައަކަށް ތައްޔާރުވަމުން ދާކަމަށް އިރާނުގެ އަސްކަރީ އިސް އޮފިސަލަކު ހާމަ ކޮށްފި އެވެ.
”އީރާނުން ޔަހޫދީ އިޒްރޭލަށް އިންޒާރު ދީފައިވަނީ މިއީ ޔަހޫދީން ބަޔަކާ ދެކޮޅަށް ކުރާނެ އެންމެ ފަހު ހަނގުރާމަ ކަމަށް.“ އީރާންގެ އަސްކަރިއްޔާގެ އިސް އޮފިސަލު ވިދާޅުވި އެވެ.
ރިޕޯޓްތައް ބުނާގޮތުން ނަމަ މިހަނގުރާމަ މާ ގިނަދުވަސްތަކެއް ނުވެ ފެށިދާނެއެވެ. ޔަހޫދީންގެ ބޮޑުވަޒީރު ނަތަންޔާހޫ ވަރަށް އަވަހަށް އެމެރިކާއަށް ދިއުމަށް ވަނީ ހަމަޖެހިފައެވެ. ސަބަބަކީ ޓުރަމްޕްގެ އަރިހުން ނަތަންޔާހޫ މި ހަނގުރާމަ ކުރުމަށް ފެހި ސިނގުނަލް ހޯދުމަށެވެ. އަދި އެމެރިކާގެ އެހީ އީރާނާ ދެކޮޅަށް ކުރާ ހަނގުރާމައިގައި ހޯދާ އެމެރިކާ ބައިވެރި ކުރުމުގެ ބޭނުމުގައި ކަމުގައިވެއެވެ.
ޔަހޫދީން ބަލިވަމުން ދާ ހާލަތުގައި އެމެރިކާ ހަނގުރާމައިގެ ތެރެއަށް ވަދެ ސަލާމަތް ކުރުމުގެ ފުރިހަމަ ޔަގީންކަން ހޯދުމުގެ ބޭނުމުގައެވެ.
މިއީ އީރާނާ އެކަނި ކުރާ ހަނގުރާމައެއް ނޫން ކަމަށާއި މިއީ މުޅި އިސްލާމީ އުއްމަތާ ދެކޮޅަށް ރޭވިގެން ކުރާ ހަނގުރާމައެއް ކަމަށް ވަނީ ބުނެފައެވެ. އީރާނު އޮތީ އެކަނި ވިޔަސް ޔަހޫދީންނާއި އެމެރިކާއާއި ކުރިމަތިލާން ކަމަށް އީރާނުން ވަނީ ބުނެފައެވެ. މި ފަހަރަކީ އީރާނުގެ ހުރިހާ ބާރެއް ބޭނުންކޮށްގެން ޔަހޫދީންނާއި ހަނގުރާމަ ކުރާނެ ފަހަރުކަން ވެސް ވަނީ ބުނެފައެވެ.
