އެއާޕޯޓުގެ އާ ޓާމިނަލް ހުޅުވަން ބޭކާރު ހަރަދު ކޮށް އަވަސް އަރުވާލުން މުޅިން ބޭކާރު ކަމެއް ކަމަށް އެމްޑީޕީގެ ޗެއާޕާސަން، ބަގުރޫޓް ފައްޔާޒް އިސްމާއިލް ވިދާޅުވެއްޖެ އެވެ.
އެކްސްގައި ފައްޔާޒް ކުރެއްވި ޕޯސްޓެއްގައި ވިދާޅުވީ އެމްޑީޕީގެ ފުރަތަމަ ވެރިކަމުގައި އެއާޕޯޓު ތަރައްގީކޮށް ހިންގަން ޖީއެމްއާރު ކުންފުންޏާ ހަވާލު ކުރީ ދިވެހި ދައުލަތުން އެއްވެސް ހަރަދެއް ނުކޮށް އެކަން ކުރެވޭ ގޮތަށް ކަމަށެވެ. ދިވެހިންނަށް އެއަރޕޯޓްގެ އެއްވެސް ބާރެއް ނެތް ނަމަވެސް އެއީ މޮޅު ގޮތް ކަމަށް ފައްޔާޒު ވަނީ ވިދާޅުވެފަ އެވެ.
ވީއައިއޭގެ އާ ޕެސެންޖާ ޓާމިނަލަކީ މިހާރުގެ ރައީސް ޑރ. މުއިއްޒުގެ މިނިސްޓަރުކަމުގައި ކުރީގެ ރައީސް އަބްދުﷲ ޔާމީނުގެ ވެރިކަމުގައި ފެއްޓެވި ވެލާނާ އެއާޕޯޓުގެ އެކްސްޕޭންޝަން ޕްރޮޖެކްޓުގެ ދަށުން ކުރާ މަސައްކަތެކެވެ.
ޕެސެންޖާ ޓާމިނަލް ހިމެނޭ ގޮތަށް މިހާރު ކުރިޔަށްދާ ވެލާނާ އިންޓަނޭޝަނަލް އެއާޕޯޓުގެ އެކްސްޕެންޝަން ޕްރޮޖެކްޓް އެއްކޮށް ނިމުމުން، އެއާޕޯޓުގެ ކެޕޭސިޓީ ދެ ގުނައަށް ވުރެ އިތުރުވެ، އަހަރަކު 7.5 މިލިއަން ފަސިންޖަރުންނަށް ހިދުމަތް ދެވޭ ފެންވަރަށް ވަސީލަތްތައް ތަރައްގީ ވެގެން ދާނެ އެވެ.
