އޭޝިއާގެ އެންމެ ބޮޑު އެއް ހޮޓަލް ޗެއިން ކަމަށްވާ ޝަންގްރިލާ އޭޝިއާގެ ޗީފް އެގްޒެކެޓިވް އޮފިސަރު (ސީއީއޯ)ގެ މަގާމަށް މެލޭޝިއާގެ ޓައިކޫން ރޮބަޓް ކުއޯކްގެ އަންހެން ދަރިފުޅު ކުއޯކް ހޫއީ ކުވޮންގް ހަމަޖައްސައިފި އެވެ
ހޫއީ ކުވޮންގް އެ މަގާމާ ހަވާލުވަނީ، 2016 ވަނަ އަހަރުގެ ޖޫން މަހުން ފެށިގެން ކުންފުނީގެ އެގްޒެކެޓިވް ޑިރެކްޓަރުގެ މަގާމާއި 2017 ވަނަ އަހަރުގެ ޖެނުއަރީ މަހުން ފެށިގެން ޗެއާޕާސަންގެ މަގާމު އަދާކުރެއްވުމަށް ފަހު އެވެ.
މި ޕްރޮމޯޝަނާއެކު ހުއި ކުވޮންގް އަށް މަހަކު 576،000 ހޮންކޮންގް ޑޮލަރުގެ ބޭސް މުސާރައެއް ލިބޭއިރު، ޑިސްކްރިޝަނަރީ ބޯނަސްތަކާއި ޕެންޝަން ބެނެފިޓްތައް ވެސް ލިބޭނެ އެވެ.
ޝަންގްރިއްލާ އޭޝިއާ އަކީ ހޮންކޮންގް އަދި ސިންގަޕޫރުގެ ސްޓޮކް އެކްސްޗޭންޖްގައި ވެސް ލިސްޓްކޮށްފައިވާ ކުންފުންޏެކެވެ. އީ ކުވޮންގް ޖުމްލަ ސީދާ އަދި ނުސީދާ ހިއްސާގެ ގޮތުގައި 95.57 މިލިއަން ހިއްސާ އޮންނައިރު، މިއީ ކުންފުނީގެ ގާތްގަނޑަކަށް %2.7 އެވެ.
އިއްޔެ، 16 ޖުލައިގައި ބޯސް ފައިލިންގައި އެކުންފުނިން ބުނެފައި ވަނީ ޗެއާޕާސަން އަދި ސީއީއޯގެ މަގާމުތައް އެއްކޮށްލުމުން ”ލީޑަޝިޕްގެ ހުރިހާ ފެންވަރެއްގައި އެއްބައިވަންތަ އަދި އެއްގޮތް ތަސައްވުރެއް ކަށަވަރުކޮށްދީގެން ސްޓްރެޓެޖިކް ކޯހޭޝަން އަދި އޮޕަރޭޝަނަލް އެގްޒެކެޝަން“ އިތުރުވާނެ ކަމަށެވެ.
1971 ވަނަ އަހަރު ކުއޯކް ބިނާކުރި ޝަންގްރިއްލާ އޭޝިއާގެ މައިގަނޑު ހަތަރު ބްރޭންޑެއް ކަމަށްވާ ޝަންގްރިއްލާ، ކެރީ، ހޮޓެލް ޖެން، އަދި ޓްރޭޑާސްގެ ދަށުން ހިންގާ 100 ހޮޓަލުގެ ތެރެއިން 81 ހޮޓަލެވެ. އެ ގްރޫޕްގެ ހޮޓަލް ޕްރޮޕަޓީތަކުގެ ސާފު އެސެޓް ވެލިއު އަކީ 10.83 ބިލިއަން ޑޮލަރު އެވެ.
