އެމްޑީޕީ ވެރިކަމެއްގައި ވޭޕު ހުއްދަކޮށް، ސިނގިރޭޓުގެ ޑިއުޓީ އެމްޑީޕީން ކުޑަކޮށްދޭނެ ކަމަށް އެ ޕާޓީގެ ޗެއާޕާސަން ބަގުރޫޓް ފައްޔާޒު އިސްމާއިލް ވިދާޅުވެއްޖެ އެވެ.
އެމްޑީޕީގެ ގައުމީ މަޖިލީހުގެ ބައްދަލުވުމުގައި ރޭ ވާހަކަ ދައްކަވަމުން ބަގުރޫޓް ފައްޔާޒު ވިދާޅުވީ ދެން އުފެދޭ އެމްޑީޕީގެ ވެރިކަމެއްގައި ގާނޫނު އަސާސީއާ ހިލާފަށް ރައީސް މުހައްމަދު މުއިއްޒު ހައްދަވަމުން ގެންދަވާ ގޯސްތައް ރަނގަޅު ކުރާނެ ކަމަށެވެ.
”ގާނޫނުއަސާސީ އިރާލުމުގެ ތެރެއިން އެ ކުރައްވާ މަސައްކަތްތައް އަޅުގަނޑުމެން އިއާދަ ކުރާނަން. އަދި އެއަށް ވުރެ ފުރިހަމައަށް، އަލުން މިފަދަ މީހަކަށް އައިސް ގާނޫނުއަސާސީއާ ނުކުޅެވޭ ވަރު އަޅުގަނޑުމެން އިރާދަ ކުރެއްވިއްޔާ ކުރާނަން،“ ބަގުރޫޓް ފައްޔާޒު ވިދާޅުވި އެވެ.
”…ރައްޔިތުންނަށް ވެފައިވާ ތަކުލީފުތައް، އޭގެ ތެރޭގައި ސިނގިރޭޓުގެ ޑިއުޓީ، ވޭޕު [މަނާކުރުން]. މި ހުރިހާ ކަމަކީ އަޅުގަނޑުމެން ރައްޔިތުންގެ މަޝްވަރާއާ އެކު ބަދަލު ކުރާނެ ކަންކަން.“
ސަރުކާރު އާންމު ވިޔަފާރިތަކަށް ތަކުލީފު ޖެއްސުމުގެ ސަބަބުން އެކަމުގެ ދަތިކަން އިގްތިސޯދުން ފެންނަމުންދާ ކަމަށް ބަގުރޫޓް ފައްޔާޒު ވިދާޅުވި އެވެ.
