ރާއްޖޭގެ މީޑިއާތަކާއި ގުޅިގެ ޕީއެސްއެމުން މިހާރު ކުރިއަށްގެންދާ ”ސިލޯނާއެކު ދިވެހިން“ ޓެލެތޯންއަށް ދިވެހި ސިފައިންނާއި ފުލުހުންގެ ފަރާތުން ތިން މިލިއަން ރުފިޔާ ހަދިޔާކޮށްފި އެވެ.
މި ޓެލެތޯނަށް އެންމެ ބޮޑު އެހީތެރިކަމެއް ދިނީ ފުލުހުންގެ ފަރާތުންނެވެ. އެގޮތުން ފުލުހުން ވަނީ 2.4 މިލިއަން ރުފިޔާ ހަދިޔާކޮށްފަ އެވެ. ޓެލެތޯނަށް ދެވަނައަށް އެންމެ ބޮޑު އެހީތެރިކަމެއްވީ ސިފައިންނެވެ. އެ އިދާރާ އިން ވަނީ އެއް މިލިއަން ރުފިޔާ ހަދިޔާކޮށްފަ އެވެ.
ދައުލަތުގެ މީޑިއާ ޕީއެސްއެމުން އިސް ނަގައިގެން ކުރިއަށް ގެންދާ މި ޓެލެތޯން ފެށީ އިއްޔެ ހެނދުނު 9:00 ގަ އެވެ. މި ޓެލެތޯން މިއަދު މެންދުރު 2 ޖެހުމާ ހަމައަށް ކުރިއަށް ގެންދިޔަ އެވެ.
”ސިލޯންއާ އެކު ދިވެހީން“ ޓެލެތޯންގައި ޕީއެސްއެެމާ އެކު 37 މީޑިއާއަކުން ބައިިވެރިވެ އެވެ. މި ޓެލެތޯނަށް ވަނީ 11 މިލިއަން ރުފިޔާ އާއި 43،631.31 ޑޮލަރު ލިބިފަ އެވެ.
ތޫފާން ’ޑިޓްވާ‘ ގެ ސަބަބުން ބޯކޮށް ވާރޭ ވެހި، ފެންބޮޑުވެ، ލަންކާ އަށް ބޮޑެތި ގެއްލުންތަކެއް ލިބިފައިވާ އިރު، މިހާތަނަށް 200 އަށް ވުރެ ގިނަ މީހުން މަރުވެފައިވެ އެވެ.
