އަދާލަތު ޕާޓީގެ 4 ވަނަ ދައުރުގެ ރައީސާއި ނާއިބު ރައީސް އިންތިހާބު ކޮށްފި އެވެ.
އެ ޕާޓީގެ ވެރީން ހޮވުމަށް މިއަދު ވަނީ އޮންލައިންކޮށް ވޯޓް ނެގުން ކުރިއަށް ގެންގޮސްފަ އެވެ. އަދާލަތުން ބުނީ ވޯޓްލީ މީހުންގެ 99 އިންސައްތަ އިން އަދާލަތުގެ ރައީސް ކަމަށް މުހައްމަދު ޝިފާން ހޮވާފައިވާ ކަމަށެވެ. އޭނަގެ ނާއިބަކީ ޝެއިހް އަބްދުﷲ ރަޝީދު އެވެ.
މި އިންތިހާބުގައި އަލްއުސްތާޛު އިކްރާމް ޢަބްދުއްސައްތާރު ވެސް ވާދަކުރަން ނިންމި އެވެ. ނަމަވެސް ހަމަހަމަ ފުރުސަތު ނެތުމާައި ވޯޓް އޮޅުވާލާނެ ކަމަށް ތުހުމަތުކޮށް އޭނާ ވަނީ އިންތިހާބު ބޮއިކޮޓް ކޮށްފަ އެވެ.
އަދާލަތުން ބުނީ އިކްރާމަށް ލިބިފައިވަނީ އެއް ޕަސެންޓް ވޯޓް ކަމަށެވެ.
އަށެއްކަ ހާސް މެންބަރުން ހިމެނޭ އަދާލަތުގެ އިންތިހާބުގައި ވޯޓްލީ 22 ޕަސެންޓް މެންބަރުން ކަމަށް ވެސް ބުންޏެވެ. އެއީ ކިހާ އަދަދެއް ކަމެއް ނުބުނެ އެވެ.
ގުޅުންހުރި ލިޔުންތައް
