ދުނިޔޭގެ އެކި ކަންކޮޅުތަކުން ހިޖުރަވެރިން ރާއްޖެ ގެނެވުމުގެ ސިޔާސަތުތަކެއް އުކުލަވާލައި ތަންފީޒު ކުރަން ޖެހެ އެވެ. ރާއްޖެ ފަދަ ގައުމުތަކަށް އެސިޔާސަތުތަކުން ކުރާނެ އަސަރާއި ޚާއްޞަކޮށް އާބާދީގެ މަދުވުމާއި ވަޒީފާގެ މީހުން ނުލިބުމުގެ ކަންކަމާ ގުޅޭގޮތުން ނެވެ.
ދުނިޔޭ އިސްލާމީ އުއްމަތުގެ މެދުގައި އިންތިހާއަށް ހަގުރާމަ އާއި ތަޅާ ފޮޅުން ބޮޑުވެފައިވާއިރު އެއްތައް މިލިޔަން ރެފިއުޖީންނެއް ދުނިޔޭ އެކި ކަންކޮޅުގައި އެބަތިއްބެވެ.
އިންސާނީ އަސާސީ ހިދުމަތަށް ބޭނުންވެފައިވާ އެތައް މުސްލިމުން އަންހެން ކަނބަލުން ދުނިޔޭގެ އެކި ކަންކޮޅުތަކުގައި ތިބި އިރު މިއަދު އަޅުގަނޑުމެންގެ މުޖްތަމައުގައި ވަނީ އަންހެނުން މަދުވުމުގެ މާޔޫސްކަން ބޮޑުވެފަ އެވެ.
ދިވެހި ގައުމުގެ އާބާދީ މަދުވެ ހާއްސަކޮށް ރާއްޖޭގެ ޒުވާން އާބާދީ ދަށަށް ގޮސް ރާއްޖެއަށް ނޭދެވޭ އަސަރެއް ކުރާނެ ކަމަށް ބެލެވޭއިރު ޒުވާން ހިޖްރަވެރިނަނަށް ފުރުސަތު ހުޅުވާލަން ޖެހެ އެވެ.
ދިވެހި ތާރީހްގެ ފަތްފުއްތަކަށް ނަޒަރު ހިންގާލާއިރު މީގެ ކުރިން ވެސް ރާއްޖެއަށް ހިޖްރަވެރިން ގެނެސްފައިވާ ކަން ސާފެވެ. މިގޮތުން ހަސަން ފަރީދުގެ ރަސްކަމުގައި ހަށިފާރަވެރިންގެ ގޮތުގައި އިތޯޕިޔާއިން ގެނައި ބަބަރުންގެ ޓީމަކީ ވެސް ދިވެހި ތާރީހުން ސާފްވާ ކަމެކެވެ. އަދި އެ އިތޯޕިޔާގެ ބަބުރުން ދިވެހިންނާއި ކައިވެނިކޮށް ދިވެހި އާއިލާތައް އުފެދި ބިނާވެފައިވާކަން ދިވެހި ތާރީހުން ހެކިދެ އެވެ.
ދިވެހި ގައުމުން ހިޖްރަވެރިންނަށް މިއަދު މަރުހަބާ ކިޔަން ތައްޔާރުވާން ޖެހޭއިރު އަރަބި އިސްލާމީ ގައުމުތަކުގެ ރެފިއުޖީންގެ އިތުރުން ޔޫރަޕްގެ ޔުކުރޭން ފަދަ ހަގުރާމަ ހިންގަމުންދާ ގައުމުތަކުން ވެސް ހިޖްރަވެރިންނަށް މަރުހަބާ ކިޔުމަކީ މުހިއްމުކަމެކެވެ.
ރާއްޖޭގެ އާބާދީ މަދުވެ, ހާއްސަކޮށް އަންހެނުންގެ އާބާދީ އިންތިހާއަށް ދަށަށް ގޮސްފައިވާއިރު ދިވެހި އާބާދީގެ ބޮޑު ބައެއް ދިރިއުޅެމުން އަންނަނީ މާލޭ ސަރަހައްދުގަ އެވެ.
ރާއްޖޭގެ ބިން ބޮޑެތި ސަރަހައްދުތަކުގެ ގޮތުގައި ބެެލެވޭ ލާމާއި އައްޑު އާއި ތިނަދު އާއި ކެލާ ފަދަ ބިން ބޮޑެތި ސަރަހައްދުތަކަށް ބަހާލެވިގެން ގެނެވޭ ރެފިއުޖީ ހިޖްރަވެރިންގެ ސަބަބުން އިގްތިސާދާއި އިޖްތިމާއީ ކަންކަން މަޑުޖެހިފައިވާ މައްސަލައަށް ރޯސަނީ ކަމެއް ގެނެސްދޭނެކަން ޔަގީނެވެ.
ދުނިޔޭ ތަހްޒީބް ގައުމުތަކުން ހިޖުރަވެރިންނަށް މަރުހަބާ ކިޔަނީ އުފަލާއެކުގަ އެވެ. އެގައުމުތައް ކުރި އަރައި ދިއުމުގައި ހިޖްރަވެރިންގެ ބައިވެރިވުން އިންތިހާއަށް ބޮޑެވެ.
މުހިންމު ބައެއް ނުކުތާތަކާއި ވިސްނަންޖެހޭ ކަންތައްތައް.
1. އާބާދީ މިނި ހެޔޮކޮށްލުން.
ރާއްޖެއަށް ހަމަ ގައިމުވެސް ގޮންޖެހުންތަކެއް ކުރިމަތިވެފައިވަނީ އާބާދީގެ މަދުވުމާއި އެކު، ޖިންސުގެ ތަފާތު ވެސް ހިމެނޭ ގޮތަށެވެ. ހިޖްރަވެރީން ޕޮލިސީތަކުގެ ތެރެއިން މިކަންކަން ހައްލުކުރުމަކީ އަންހެނުންނާއި ފިރިހެނުންގެ ތަފާތު ނައްތާލައޮ، ޖުމްލަ އާބާދީގެ އަދަދު އިތުރުކުރުމަށް އެހީތެރިވެދޭނެ ކަމެކެވެ.
2. ހުނަރުވެރި މަސަކަތްތެރިން :
ހަނގުރާމަވެރި ނުވަތަ އިޤްތިޞާދީ ގޮތުން ނާތަހުޒީބު ޤައުމުތަކުން ހިޖުރަކުރާ މީހުން ގިނަ ފަހަރަށް ގެންނަނީ ތަފާތު ހުނަރުތަކާއި ވަރުގަދަ މަސައްކަތުގެ އަޚްލާޤެކެވެ. މިއީ ރާއްޖޭގެ އިޤްތިޞާދަށް ހެޔޮގޮތުގައި ޙިއްޞާ ކޮށްދޭނެ ކަމެކެވެ. ޚާއްޞަކޮށް ފަތުރުވެރިކަމާއި މަސްވެރިކަން ފަދަ މުވައްޒަފުންގެ ދަތިކަން ކުރިމަތިވެދާނެ ދާއިރާތަކުންނެވެ.
3. ހިޖްރަވެރިންނާއި އިޖްތިމާއީ މައްސަލަތައް:
ރެފިއުޖީ ހިޖްރަވެރިންނަށް މަރުހަބާ ކިޔުމަކީ ބަސް ދަސްކުރުމާއި، ސަގާފީ ގޮތްތަކަށް އަހްލުވެރިކުރުމާއި، އަދި އިޖުތިމާޢީ އެއްބައިވަންތަކަމުގެ މަސައްކަތްތައް ހިމެނޭ ގޮތަށް މުޖުތަމަޢާ އިންޓަގްރޭޓްވުމަށް ވިސްނުންތެރިކަމާއެކު ޕްލޭންކުރަން ޖެހެ އެވެ. މިއީ ހިޖްރަވެރިންނަށް މަރުހަބާ ކިޔާ ރަށްތަކަށް އިންތިހާއަށް ފައިދާ ލިބޭކަމެއް ކަން ކަށަވަރުކޮށްދޭ ކަމެކެވެ.
4. ސަރުކާރުގެ ސިޔާސަތާއި ސަޕޯޓް
ރެފިއުޖީ ހިޖްރަވެރިން ފައިދާހުރި ގޮތެއްގައި ބެލެހެއްޓުމަށްޓަކައި ސިޔާސަތުތައް އެކުލަވާލަންވާނީ، ހިޖްރަވެރިންނާއި އަދި ދިވެހި ރައްޔިތުންގެ ހައްގުތަކާއި ހެޔޮ ކަންތައްތައް ރައްކާތެރިކޮށް، ގައުމީ ތަރައްގީގެ ލަނޑުދަނޑިތަކާ އެއްގޮތްވާ ގޮތުގެ މަތިންނެވެ.
5. ދުނިޔޭން ދެކޭނެ ގޮތް:
ބައިނަލްއަޤްވާމީ އެންމެ ރަނގަޅު އުސޫލުތަކާއި އެހެން ޤައުމުތަކުގެ ތަޖުރިބާތަކުގެ ސަބަބުން އިޤްތިޞާދީ އަދި އިޖްތިމާޢީ ތަރައްޤީއަށްޓަކައި ހިޖްރަވެރިން ބެލެހެއްޓުމުގައި އަގުހުރި ވިސްނުންތަކެއް ލިބިގެންދެއެވެ.
މިކަމާ ގުޅޭ ފުރިހަމަ ކުރުމަށްޓަކައި، މިހާރުގެ އާބާދީގެ ޓްރެންޑްތަކާއި، ލޭބަރ މާކެޓަށް ބޭނުންވާ މީހުން ކަންކަމާއި، ދިވެހިރާއްޖޭގައި ހިޖްރަވެރިންގެ ސަބަބުން އިޖްތިމާޢީ އިޤްތިޞާދީ ގޮތުން ކުރިމަތިވެދާނެ އަސަރުތަކުގެ ތަފްސީލީ މަޢުލޫމާތު ކޮންމެހެން ބޭނުންވާނެއެވެ. މީގެ އިތުރުން އާބާދީ މަދުވުމާއި އިގްތިސާދީ ސަބަބުތަކާހުރެ ހިޖްރަވެރިން ކާމިޔާބުކަމާއެކު މެނޭޖްކޮށްފައިވާ އެހެން ގައުމުތަކުގެ ކޭސް ސްޓަޑީތައް ބެލުމަކީ އަގުހުރި ކޮންޓެކްސްޓާއި ލަފާތަކެއް ލިބިގެންދާނެ ކަމެކެވެ.
