ފިހަރާތަކުން، ރީތިވާ ސާމާނު ވަގަށް ނެގުމުގެ ރެކޯޑެއް އޮންނަ މީހާ، ވައްކަމުގެ މައްސަލައެއްގައި އަނެއްކާވެސް ހައްޔަރުކޮށްފި އެވެ.
ވައްކަމުގެ މައްސަލައެއްގައި ހައްޔަރުކޮށްފައިވާ، ރީތިވާ ސާމާނު ވަގަށް ނެގުމުގެ ރެކޯޑް އޮންނަ މީހަކީ، ތ. ގާދިއްފުށީ މިރިޔާސްގޭ ހަސަން ޝަކީބްއެވެ. ވައްކަމުގެ މައްސަލައެއްގައި އޭނާ ހައްޔަރުކޮށް މިއަދު ކޯޓަށް ހާޒިރުކުރުމުން ތިން ދުވަހު ބަންދުކޮށްފައި ބެހެއްޓުމަށްވަނީ އަމުރުކޮށްފަ އެވެ.
މިއަދު ތިން ދުވަހަށް ހަސަން ޝަކީބް ބަންދު ކުރުމަށް އަމުރު ކުރިއިރު، 2018 ވަނަ އަހަރުގެ ތެރޭގައި ނީވިއާ ބްރޭންޑްގެ ދެ ލޯޝަން ފުޅި ނެގި މައްސަލައެއްގައި އޭނާގެ މައްޗަށް ދައުލަތުން ދައުވާކޮށްފައިވެ އެވެ. އެ ފަހަރު އޭނާ ދެ މަހާއި 12 ދުވަހަށް ޖަލަށްލިއެވެ.
މީގެ އިތުރުން ހަމަ އެ އަހަރު، ފިހާރައަކުން ފޮގް ބްރޭންޑްގެ ފަސް ސެންޓު ފުޅި ވަގަށް ނަގައިގެންވެސް އޭނާގެ މައްޗަށް ދައުވާކުރިއެވެ. އެ މައްސަލައިގައިވެސް އޭނާގެ މައްޗަށް ދެ މަހުގެ ޖަލު ހުކުމެއް އިއްވި އެވެ.
