ދިވެހިރާއްޖޭގެ ކަނޑުގެ އަޑީގައި ހުރި ހޮހަޅައެއްގެ ތެރޭގައި ތާށިވެ، އިޓަލީގެ ފަސް ޑައިވަރުން މަރުވި ސަރަހައްދުގެ ފޮޓޯތައް، ބޭރުގެ ރެސްކިއު ޓީމުން ފުރަތަމަ ފަހަރަށް އާއްމުކޮށްފިއެވެ.
ޑޭން ޔޫރަޕް ޓީމުންވަނީ މިއަދު ތިން ފޮޓޯ އާއްމުކޮށްފައެވެ. އެއީ އިޓަލީގެ ޑައިވަރުން ތާށިވީ ހޮހަޅައަށް ވަންނަ ދޮރު މައްޗެވެ.
ޑޭން ޔޫރަޕުން އާއްމުކުރި ފޮޓޯތަކަކީ އެ ޓީމުން ކަނޑުއަޑީގެ އެ ސަރަހައްދުގެ އޮޕަރޭޝަންގައި ފުރަތަމަ އާއްމުކުރި ފޮޓޯތަކެކެވެ.
އިޓަލީގެ ޑައިވަރުން ނެގީ ބޭރުގެ ތަޖުރިބާކާރު ޓީމަކުންނެވެ. ވ. އަތޮޅުގައި އޮންނަ ދެވަނަ ކަނޑުގެ ހޮހަޅައިގެ ތެރެއިން އިޓަލީގެ ހަތަރު ޑައިވަރުންގެ ހަށިގަނޑު ހޯދި ތިން ތަޖުރިބާކާރުން ލަފާކުރަނީ އެ މީހުން މަރުވުން ކައިރީ ނުކުންނާނެ ގޮތެއް ނުފެނުމުންނެވެ.
މި އޮޕަރޭޝަންގައި ބޭރު މީހުން އައުމުގެ ކުރިން ދިވެހި ސިފައިންގެ އެންމެ ސީނިއާ އެއް ޑައިވަރުވަނީ އެ ސަރަހައްދުގައި ނިޔާވެފައެވެ.
މި ހާދިސާ ތަހުގީގުކުރަމުން އަންނައިރު، ޑައިވަރުންގެ ކެމެރާތަކުން ލިބޭ މައުލޫމާތުން، ވަރަށް ގިނަ ކަންކަން ސާފުވާނެ ކަމަށް ވަނީ ބެލެވިފަ އެވެ.
