ދުބާއީގައި ދިރިއުޅޭ ގޭތެރޭގެ އަންހެނަކު އޭނާގެ މިލިއަނަރު ފިރިމީހާ ޕްރައިވެޓް އައިލެންޑެއް ގަތީ މޫދުގައި އުފާކުރަމުން ދަނިކޮށް އޭނާގެ އަރާމުކަމާއި ޕްރައިވެސީ ކަށަވަރު ކުރުމަށް ކަމަށް ބުނެފި އެވެ.
އުމުރުން 26 އަހަރުގެ ސައުދީ އަލް ނަޑަކް އިންސްޓަގްރާމްއަށް ގޮސް ލަގްޒަރީ ޖަޒީރާގެ ވީޑިއޯއެއް ހިއްސާކޮށް، ކެޕްޝަންގައި ލިޔެފައި ވަނީ ”ޕީއޯވީ: ބިކިނީ ލައިގެން އުޅެން ބޭނުންވީމަ ތިބާގެ މިލިއަނަރު ފިރިމީހާ ތިބާއަށް ޖަޒީރާއެއް ގަނެދިނީ“ ކަމަށެވެ.
އިނގިރޭސިވިލާތަށް އުފަން ސައުދީއަކީ ދުބާއީގެ މަޝްހޫރު ވިޔަފާރިވެރިޔާ ޖަމާލް އަލް ނަދާކް އާއި ކައިވެނިކޮށްގެން އުޅޭ މީހެކެވެ.
ދުބާއީގައި ކިޔަވަމުން ދަނިކޮށް ބައްދަލުވި މި ދެމަފިރިންގެ ކައިވެންޏަށް ތިން އަހަރަށް ވުރެ ގިނަ ދުވަސް ވެއްޖެ އެވެ.
ދާދި ފަހުން ދިން އިންޓަވިއުއެއްގައި ސައުދީ ސިފަކޮށްފައި ވަނީ ފިރިމީހާ ފޯރުކޮށްދޭ އިސްރާފު ދިރިއުޅުމުގެ އުފާ ހޯދާ ”ފުލްޓައިމް ހައުސްވައިފް“ އެއްގެ ގޮތުގަ އެވެ.
އަދި ސޯޝަލް މީޑިއާގައި ގާއިމްވެފައިވާ އިންފްލޫއެންސަރެއް ކަމަށާއި، އިންސްޓަގްރާމް އަދި ޓިކްޓޮކްގައި ވެސް ގިނަ ފޮލޯވަރުންތަކެއް ލިބިފައިވާ ކަމަށް ވެސް ބުންޏެވެ.
