ސަން ސިޔާމް ރިސޯޓްސްގެ ވެރިޔާ އަދި ދ. މީދޫ ދާއިރާގެ މަޖިލިސް މެމްބަރު އަހުމަދު ސިޔާމް މުހައްމަދާއި ބ. ކަމަދޫން ގިނަ ބައެއްގެ މަގުބޫލަކަން އާމިނަތު ޒާރާ ކައިވެނީގެ އުފަލުގައި ޒާރާގެ އުފަން ރަށުގައި ބޮޑު ހަފްލާއެއް ބާއްވައިފިއެވެ.
ސިޔާމާއި ޒާރާ ކައިވެނި ބައްލަވައިގަތީ މިދޔަ ބުރާސްފަތި ދުވަހުއެވެ. އުމުރުން 55 އަހަރުގެ ސިޔާމާއި 23 އަހަރުގެ ޒާރާގެ ކައިވެނީގެ ހަފްލާ ބޭއްވީ މާލެ އަތޮޅުގައި ސިޔާމު ހިންގަވަމުން ގެންދަވާ އޮޅުވެލި ރިސޯޓުގައެވެ.
މި ކައިވެންނާއި ގުޅިގެން ރޭ ވަނީ ދެ ވަނަ ހަފްލާ ރޭ ވަނީ ބާއްވާފައެވެ. ރޭގެ ހަފްލާ އޮތީ ޒާރާގެ އުފަން ރަށް ކަމަދޫގައެވެ. މީ މި ކައިވެންޏާއި ގުޅިގެން ބޭއްވި ދެވަނަ ހަފްލާއެވެ.
ކަމަދޫ ހުރިހާ ރައްޔިތުންނަށް ދައުވަތު ދީގެން ރޭ ބޭއްވި ހަފްލާ އޮތް އެރަށު ބީޗް ސަރަހައްދުގައެވެ. ރޭގެ ހަފްލާއަށް ސިޔާމާއި ޒާރާ ކަމަދޫއަށް ދިޔުމުން ރަށު ރައްޔިތުން ވަނީ ހޫނު މަރުހަބާއެއް ކިޔާފައެވެ. ރޭގެ ހަފްލާގެ ޕާޓީ ބޭއްވި ސަރަހައްދު ވަރަށް ބޮޑަށް ޒީނަތްތެރިކޮށްފައިވާއިރި ބޮޑު ކޭކެއްވެސް ވަނީ ފަޅާފައެވެ. އަދި ރޭގެ ހަފްލާއާ ގުޅުވާ ކަމަދޫގައި ވަނީ ހަވާވެސް އަރުވާފައެވެ.
ރޭގެ ހަފްލާގެ ކުރިން އިއްޔެ ހަވީރުވެސް ބައެއް ހަރަކާތްތައް ކަމަދޫގައި ވަނީ ބާއްވާފައެވެ. އެގޮތުން ކުޑަކުދިންނަށް ހާއްސަކޮށްގެން ރޮބޯމޭންގެ ހަރަކާތްތަކެއް ވަނީ ކުރިޔަށް ގެންގޮސްފައެވެ.
