ދައުލަތުން އެންމެ ނުހައްޤު މުއްސަނދިކަން ހޯދި ފަސް އަހަރަކީ ކުރީގެ ރައީސް އަބުދުﷲ ޔާމީން އަބުދުލްޤައްޔޫމް ވެރިކަމުގެ ދައުރު ކަމަށާއި، އެ މުއްސަނދިކަން ހޯދީ އޭރުގެ ރައީސް ޔާމީން ކަމަށް ޕީއެންސީގެ ޕީޖީ ލީޑަރު، އިނގުރައިދޫ ދާއިރާގެ މެންބަރު އިބްރާޙިމް ފަލާހް އިއްޔެ ވިދާޅުވެއްޖެއެވެ.
މިއަދުގެ މަޖިލީހުގެ ޖަލްސާގައި ސަރުކާރުގެ ފަރާތުން، މާފުށި ދާއިރާގެ މެންބަރު ޙުސައިން ރިޟާ އާދަމް ހުށަހަޅުއްވާފައިވާ، ދިވެހިރާއްޖޭގެ ޤާނޫނުލްޢުޤޫބާތަށް އިޞްލާޙު ގެނައުމުގެ ބިލުގެ ބަހުސްގައި ވާހަކަދައްކަވަމުން ފަލާހް ވިދާޅުވީ، އެންމެ ބޮޑަށް ދައުލަތުން ނުހައްގު މުއްސަނދިކަން ހޯދި ފަސް އަހަރެއް ދިޔައީ 2013 އިން 2018 އަށް ކަމަށެވެ. އަދި އެ މުއްސަނދިކަން ހޯދީ އޭރުގެ ވެރިމީހ،ާ ރައީސް ޔާމީން ކަމަށް ފަލާހް ވިދާޅުވިއެވެ.
“މިހެން ދަންނަވަން ޖެހެނީ ސަބަބުތަކެއް ނެތީމައެއް ނޫން، ލޯ ކުރިމައްޗަށް އެ ކަންކަން ފެންނަން ހުރީމަ އިއްޒަތްތެރި ރައީސ،ް މި ކަންކަން ދަންނަވައިލަން މި ޖެހެނ.ީ ނުހައްގު މުއްސަނދިކަމުގެ މި ފަދަ ބިލެއް ހުށަހެޅިގެން ރައްޔިތުންގެ މަޖިލީހަށް މި ކަހަލަ އިޞްލާޙެއް ގެނެސްގެން އަޅުގަނޑުމެން މި ތާނގައި މި ކަންކަން ރަނގަޅު ނިޔަތް ކަމަށް ވަންޏާމު ރަނގަޅު ޢަދުލުއިންޞާފުގެ ނިޒާމެއް ގާއިމުކުރަންޖެހޭ.“ ފަލާހް ވިދާޅުވިއެވެ.
އޭނާ ވިދާޅުވީ، އެ ނިޒާމުގެ ތެރެއަށް އެ ފަދަ މީހުންގެ މައްސަލަތައް ގޮސް ވަންނައިރު، އެފަދަ މީހުން ނުހައްގު މުއްސަނދިކަމުން ހޯދާފައި ހުންނަ ފައިސާ އެ ތަންތަނުގެ ޝަރީޢަތް ހިންގަން ތިބޭ ފަރާތްތަކާއި ޢަދުލުއިންޞާފު ގާއިމުކުރަން ތިބޭ ފަރާތްތަކަށް ނުހައްގުން އެ ހޯދާފައި ހުންނަ މުއްސަނދިކަމުގެ ފައިސާ ބޭނުންކޮށްގެން، އޭގެ ތެރެއިން ސަލާމަތްވެގެން އައުމަކީ މި ކަންކަން ކުރަން އުނދަގޫވެފައި އޮތް ސަބަބު ކަމަށެވެ.
“އަޅުގަނޑު މި ދެންނެވިފަދައިމް މިކަން ކުރައްވާ ބޭފުޅުނ،ް އެ ބޭފުޅުން އެ ކަންކަން ކޮށްފައި ހުންނަ ދައުރުތަކުގައި އެ ބޭފުޅުން ގެންގުޅޭ އެންމެ ކުޑަމިނުން މޯބައިލް ފޯނު ވެސް ދައުރު ބަދަލުވާ އިރު އަތަކު ނޯންނާނެ، އެއީ މިހާރު މި ޒަމާނީ ޓެކްނޮލޮޖީ ބޭނުންކޮށްގެން ފުލުހުންނާއި އެކަމާ ބެހޭ މުއައްސަސާތަކުން އެ ކަންކަން ކުރާ އިރު ފަހަރެއްގައި ފޯނެއް އެއްޗެއް ޗެކުކޮށްލަފާނެ، އެހެންނަމަވެސ،ް ފޯނު އެއްޗެހި ވެސް ދައުރު ނިމޭ އިރު ގޮސް އެއޮންނަނީ ކާށިދޫ ކަނޑަށް ވައްޓާލާފައި، ކިހިނެއް ރައީސ،ް ހޯދާނީ؟“ ފަލާހް ވިދާޅުވިއެވެ.
ފަލާހް ވިދާޅުވީ އެފަދަ މީހުންގެ ފޯނާއި ލެޕްޓޮޕް ވެސް އޮންނާނީ ކާށިދޫ ކަނޑަށް ފައްތާފައި ކަމަށާއި، އެތަންތަނަކީ މިހާރު ޒަމާނީ ޑައިވަރުންނަށް ވެސް ޑައިވް ކުރެވޭ ހިސާބު ނޫންކަމަށެވެ. ފަލާހް ވިދާޅުވީ، އެފަދަ ސަބަބު ތަކާހުރެ ނުހައްގު މުއްސަނދިކަމުގެ މައްސަލަތައް ބެލުމަކީ ވަރަށް އުނދަގޫ ކަމެއްކަމަށާއި، ނަމަވެސް ހުށަހެޅިފައިވާ ބިލަކީ ވަރަށް މުހިންމު ބޭނުންތެރި ބިލެއް ކަމަށެވެ.
