ޖަޕާނުގައި އާބާދީ އިތުރުކުރަން ވަގުތު ދޭން މަސައްކަތް ކުރާނީ 4 ދުވަހު ކަމަށް ނިންމައިފި
ދެންމެ | 07 ޑިސެމްބަރ 2024

ޖަޕާނު ސަރުކާރު މުވައްޒަފުން ހަފުތާއަކު ހަތަރު ދުވަހު މަސައްކަތް ކުރާގޮތަށް ނިންމައިފިއެވެ.

ޖަޕާނުގެ ސަރުކާރުން ވަނީ ވެރިރަށް ޓޯކިޔޯގައި ސަރުކާރުގެ މުވައްޒަފުން ހަފުތާއަކު ހަތަރު ދުވަހަށް މަސައްކަތް ކުރާ މުއްދަތު ކުރުކޮށްފައިވަނީ އެ ގައުމުގައި އާބާދީ އިތުރުވުން މަޑުޖެހިފައި އޮތް އޮތުން ނިމުމަކަށް ގެނެސް އެ ގައުމުގައި މަސައްކަތް ކުރާ މަންމައިންނަށް އާއިލާއާއެކު ވަގުތު ހޭދަކުރުމަށް އިތުރު ފުރުސަތު ދިނުމަށް ކަމަށް ބުނެފައެވެ.

ޓޯކިޔޯގެ މެޓްރިޕޮލިޓަން ސަރުކާރުން ވަނީ މިއަހަރުގެ އޭޕްރީލުން ފެށިގެން ކޮންމެ ހަފުތާއަކު ތިން ދުވަސް މަސައްކަތް ނުކުރާ ދުވަސްތައް ކަމުގައި ކަނޑައަޅައިފައެވެ. އަދި ޕްރައިމަރީގައި ކިޔަވާ ދަރިވަރުންގެ ބެލެނިވެރިން މަސައްކަތް ނިމޭ ވަގުތު ވެސް އަވަސްކޮށްފައިވާ ކަމަށް އޮފިޝަލުން ބުނެއެވެ.

ޖަޕާނުގައި މަސައްކަތް ކުރާ އުމުރުގެ އަންހެނުން އާއިލާއަށް ވަގުތު ދިނުމުގެ ބަދަލުގައި ބުރަކޮށް މަސައްކަތް ކުރުން ވެސް ނިމުމަކަށް ގެނައުމަށް ސަރުކާރުން އަމާޒު ހިފައިފައިވާ ކަމަށް ރިޕޯޓުތައް ބުނެއެވެ.

ޖަޕާނުގައި ނިމިދިޔަ އަހަރު އަލަށް އުފަންވެފައިވަނީ 727،277 ކުދިން ކަމަށެވެ.

ޖަޕާނުގެ މިނިސްޓްރީ އޮފް ހެލްތު ލޭބަރ، އެންޑް ވެލްފެއާ އިން ވަނީ އެ ގައުމުގެ އުފެއްދުންތެރިކަން އިތުރުކޮށް އާބާދީ ހަމަޔަކަށް އެޅުވުމަށް އަލަށް އުފަންވާ ނިސްބަތް 2.1 އަށް މަތިކުރަން ޖެހޭ ކަމަށް ބުނެފައެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!