ޕީޕީއެމް މެމްބަރުންތައް ޕީއެންސީއަށް ކަހާލުމުން މެމްބަރުންގެ އަދަދު 68 ހާހަށް އަރައިފި
ދެންމެ | 23 ޖެނުއަރީ 2025

ވެރިކަންކުރާ ޕީޕަލްސް ނޭޝަނަލް ކޮންގްރެސް ޕީއެންސީގެ މެންބަރުންގެ ޢަދަދު 68 ހާހަށް އަރައި މިހާރު އުވާލުމަށް ނިންމާފައިވާ ޕީޕީއެމްގެ މެންބަރުންގެ ޢަދަދު 12 ހާހަށް ވެއްޓިއްޖެއެވެ.

އިލެކްޝަންސް ކޮމިޝަނުން މިއަދު ޢާއްމު ކޮށްފައިވާ ސިޔާސީ ޕާޓީތަކުގެ ދަފްތަރުގެ އެންމެ ފަހުގެ އަދާހަމަ ދައްކާގޮތުން ވެރިކަންކުރާ ޕީއެންސީގައި މިވަގުތު ތިބީ 68968 މެންބަރުންނެވެ. މިއީ މިދިޔަ ޖުލައިމަހުގެ ނިޔަލަށް ޕީއެންސީގައި ތިބި 28 ހާސް މެންބަރުންނާ އަޅާބަލާއިރު ވަރަށް ބޮޑު ކުރިއެރުމެކެވެ.

ޕީއެންސީގެ މެންބަރުންގެ ޢަދަދު ބޮޑުތަނުން މަތިވެފައިވާއިރު އެޕާޓީގެ ކޯލިޝަން ޕާޓްނަރ ޕީޕީއެމްގެ މެންބަރުންގެ ޢަދަދު މިހާރު ވަނީ 12174 މެންބަރުންނަށް ތިރިވެފައެވެ. އީސީގެ ޖުލައިމަހުގެ އަދާހަމައިގައި އެޕާޓީގައި 34 ހާސް މެންބަރުން ތިބިކަމަށް ދައްކައެވެ.

އީސީގެ ދަފްތަރުގައި އިދިކޮޅު އެމްޑީޕީންވެސް 7 ހާހެއްހާ މެންބަރުން މަދުވެފައިވާކަމަށް ދައްކައެވެ. ކުރިން ބައިލައްކައަށް ވުރެ މަތީގައި އޮތް އެޕާޓީގެ މެންބަރުންގެ ޢަދަދު މިހާރުވަނީ 43755 އަށް މަދުވެފައެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!