ސިންގަޕޫރުގައި ތަރައްގީކޮށްފައިވާ އޭއައި ސިސްޓަމަކީ ފުރަމޭގެ ކެންސަރު އަލުން ފެތުރުން ލަފާކުރުމަށް އެހީތެރިވެދޭނެ ނިޒާމެކެވެ.
ދިރާސާކުރާ ފަރާތްތަކުން އުފެއްދި އާޓިފިޝަލް އިންޓެލިޖެންސް (އޭއައި) އިން ޕަވަރ ކުރާ ސްކޯރިން ސިސްޓަމަކުން އާންމު ވައްތަރެއްގެ ފުރަމޭގެ ކެންސަރު އަލުން އާލަވުމުގެ ފުރުސަތު އޮތްނަމަ ފެންނާނެ ކަމަށް ލަފާކުރެވޭނެ އެވެ.
އޭ*ސްޓާގެ އިންސްޓިޓިއުޓް އޮފް މޮލިކިއުލަރ އެންޑް ސެލް ބަޔޮލޮޖީ (އައިއެމްސީބީ) އާއި ސިންގަޕޫރު ޖެނެރަލް ހޮސްޕިޓަލް (އެސްޖީއެޗް) ގެ ސައިންސްވެރިން ތަރައްގީކޮށްފައިވާ މި ސިސްޓަމުން ހެޕަޓޯސެލިއުލަރ ކާސިނޯމާ (އެޗްސީސީ) ރިލެޕްސް ވާނެ ކަމަށް ލަފާކުރެވޭނެ އެވެ.
އަހަރަކު ކޮންމެ 100،000 މީހުންގެ ތެރެއިން 20 އަށް ވުރެ ގިނަ މީހުންނަށް ޖެހޭ އެޗްސީސީ އަކީ ސިންގަޕޫރުގައި ފިރިހެނުންގެ ތެރޭގައި އެންމެ ގިނައިން ފެންނަ ހަތަރު ވަނަ ކެންސަރުގެ އިތުރުން،އެ ޤައުމުގައި ފިރިހެނުން ކެންސަރުން މަރުވާ ތިން ވަނަ ސަބަބެވެ.
ޓިއުމަރ އިމިއުން މައިކްރޯއެންވަޔަރަންމަންޓް ސްޕޭޝަލް (ޓައިމްސް) ސްކޯރ އިން ލިވަރ ޓިއުމަރ ޓިޝޫތަކުގެ ތެރޭގައި ހުންނަ ނެޗުރަލް ކިލަރ (NK) ސެލްސް ކިޔާ އިމިއުން ސެލްތަކާއި ވަކި ފަސް ޖީންތަކުގެ ސީދާ ސްޕޭޝަލް ޑިސްޓްރިބިއުޝަން ނުވަތަ ސީދާ ލޮކޭޝަން ތަޙުލީލުކުރެއެވެ.
އެންކޭ ސެލް އަކީ ކެންސަރު ސެލް ފަދަ ބަލި ސެލްތައް ނައްތާލާ ހުދު ސެލްގެ ވައްތަރެއް ކަމަށާއި އެންކޭ ސެލްގެ އަދަދު މަދުވުމަކީ ރިލެޕްސްވުމުގެ ނުރައްކާ ބޮޑުކަމުގެ ނިޝާނެކެވެ.
”ހަމައެކަނި ކިތައް އެންކޭ ސެލް ހުރިތޯ ގުނުމުގެ ބަދަލުގައި ކެންސަރު ސެލްތަކަށް ނިސްބަތްކޮށް އެ ސެލްތައް ހުންނަނީ ސީދާ ކޮންތަނެއްގައިތޯ ތަހުލީލު ކުރަން،“ އޭ*ސްޓާ އައިއެމްސީބީ އާއި އެސްޖީއެޗްގެ އެނަޓޮމިކަލް ޕެތޮލޮޖީ ޑިޕާޓްމަންޓުގެ ޕްރިންސިޕަލް އިންވެސްޓިގޭޓަރު ޑރ ޖޯ ޔެއޮންގް ވިދާޅުވި އެވެ. “ އެންކޭ ސެލްތައް ބެހިފައިވާ ގޮތާއި ކެންސަރު ސެލްތަކާ މުއާމަލާތްކުރާ ގޮތް ދެނެގަނެގެން – މިސާލަކަށް ކެންސަރަށް ފައިދާހުރި ގޮތެއްގައި ހަމަލާދޭ ވަރަށް ގާތްތޯ – ސާޖަރީއަށް ފަހު ކެންސަރު އަނބުރާ އައުމުގެ ފުރުސަތު ލަފާކުރެވޭނެ،“ ދިރާސާގެ އެއް ލިޔުންތެރިޔާ ޑރ ޔެއޮންގް ވިދާޅުވި އެވެ.
