ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރަށް ރޯޑު ޑިވެލޮޕްމަންޓް ކޯޕަރޭޝަންގެ މެނޭޖިން ޑިރެކްޓަރު ކަމުގައި ހުންނެވި އަލީ ޒުހައިރު އައްޔަންކުރުމަށް ޕީސީބީން މިއަދު ނިންމައިފި އެވެ.
އެޗްޑީސީގެ މެނޭޖިން ޑިރެކްޓަރުގެ މަގާމު ހުސްވީ އެ މަގާމުގައި ހުންނެވި މައުރޫފު ޖަމީލު އިސްތިއުފާ ދެއްވުމުންނެވެ. އެ ގޮތުން:
އޭނާ މިއަދު މަގާމުން އިސްތިއުފާ ދެއްވީ، އަންނަ މަހު 18ގައި އޭނާ ރިޓަޔާކުރައްވާނެކަން ކުރިން އިއުލާންކުރައްވާފައިވަނިކޮށް
އެނގިފައިވާ ގޮތުގައި މައުރޫފް މަގާމުން އިސްތިއުފާ ދެއްވީ އެ ގޮތަށް އަމަލުކުރަން ޕީސީބީން އެންގުމުން
ހުސްވެފައިވާ މަގާމަށް ޒުހައިރު އައްޔަންކުރިކަން ޕީސީބީން ވަނީ އިއުލާން ވެސް ކޮށްފަ އެވެ.
ޒުހައިރަކީ:
މި ވަގުތު އާރުޑީސީގެ މެނޭޖިން ޑިރެކްޓަރު
އޭގެ ކުރިން ސިފައިންގޭގައި 30 އަހަރު ހިދުމަތްކުރެއްވި
ސިފައިންގެ ވެލްފެއާ ކުންފުނި، ސިވެކްގެ ޗެއާމަންކަން ކުރެއްވި
މައުރޫފް ވަނީ މީގެ ކުރިން ރައީސް މައުމޫން އަބްދުލްގައްޔޫމުގެ ވެރިކަމުގައި، އެޗްޑީސީ އުފެއްދުމުގެ ކުރިން، ހުޅުމާލޭ ތަރައްގީ ކުރުމުގެ މަސައްކަތް ކުރި ހުޅުމާލޭ ތަރައްގީ ކުރުމާ ބެހޭ ޔުނިޓުގެ ޑިރެކްޓަރު ޖެނެރަލްގެ މަގާމު އަދާކުރައްވައިފަ އެވެ.
