މާ ގިނައިން މޮބައިލް ފޯނު ބޭނުން ކުރުމަކީ ފިރިހެނުންގެ ދަރިފަނި އުފައްދާ މިންވަރު ދަށްވާ ކަމެއް ކަމަށް ދިރާސާތަކުން ދައްކައިފިއެވެ.
ފާއިތުވެދިޔަ 50 އަހަރު ތެރޭގައި ފިރިހެނުންގެ ދަރިފަނި އުފެދޭ މިންވަރު ދުނިޔޭގެ ނިސްބަތުން ބަލާއިރު %50 ދަށްވެފައިވާ އިރު، އޭގެ ސަބަބެއްގެ ގޮތުގައި ދިރާސާކުރާ ފަރާތްތަކަށް ހޯދިފައިވަނީ ފޯނު ބޭނުން ކުރުމުންނެވެ.
އެ ދިރާސާއިން ހޯދި ގޮތުން 18 އަހަރާއި 22 އަހަރާ ދެމެދުގެ ފިރިހެނުން ދުވާލަކު 20 ފަހަރަށް ވުރެ ގިނައިން ފޯނުގެ ބޭނުން ކޮށްފައިވެއެވެ.
ސީއެންއެންގެ ރިޕޯޓެއްގައި ބުނެފައިވަނީ ދަރިފަނި މަދުވުމަކީ ފޯނުން ގުޅުމުގެ ސަބަބުން ނުވަތަ މެޖެސް ކުރުމުން ނުވަތަ ދެކަން ކުރުމަކުން ވާ ކަމެއް ކަމެއް ކަމަށެވެ.
ޒަމާނަށް އަންނަމުންދާ ތަރައްގީއާއި އެކު ފޯނު ބޭނުން ކުރާ މީހުންގެ އަދަދު ގިނަ ވުމާއި އެކު ފިރިހެނުންގެ ދަރިފަނީގެ ކޮލިޓީ ވެސް ދަށް ވަމުންދާ ކަން ހޯދުންތަކުން އެނގިފައިވެއެެވެ.
އެހެންކަމުން ފޯނު ގެންގުޅުމުގައި ހަށިގަނޑާއި ބޮލާއި ދުރުގައި ބޭނުން ކުރުމަށް އެފަރާތްތަކުން ބުނެފައިވެއެވެ. އަދި ހަމަ އެއާއި އެކު ފޯނު ބޭނުން ކުރާއިރު ވާހަކަ ދެއްކުމަށް ސްފީކާ އަށް ލައިގެން ނުވަތަ ހެޑް ފޯން ބޭނުން ކުރެވިދާނެ ކަމަށްވެސް ބުނެފައިވެއެވެ. އަދި ފޯނުން ޖީބަށް ލުމުގެ ބަދަލުގައި ދަބަހަކަށް ނުވަތަ ޕާސް އަކަށް ލައިގެން އުޅުމަށްވެސް ބުނެފައިވެއެވެ.
