ވެރިކަން ގެއްލުމުން ގޭގައި ހުރެ ފޯއް ވިއްކަައިގެން ލިބުނު ރުފިޔާއިން ޖެންޑާ މިނިސްޓްރީގެ ކުރީގެ ސްޓޭޓު މިނިސްޓަރު ޒިފްލީނާ ހަސަން 3.5 މިލިއަން ރުފިޔާއަށް ހުޅުމާލެއިން އެޕާޓުމެންޓެއް ބައްލަވައިގަނެފިއެވެ.
ޒިފްލީނާ އަކީ ކުރީގެ ޚާރިޖީވަޒީރު ޢަބްދުﷲ ޝާހިދުގެ އަނބިކަބަލެކެވެ.
ޒިފްލީނާ ބައްލަވައިގަތީ 1،235.42 އަކަފޫޓުގެ ބޮޑުމިނުގެ އެފްޑަބްލިއު ރެޒިޑެންސްގެ އެޕާޓުމެންޓެކެވެ.
އެޗްޑީސީން އެ ޕާޓުމެންޓު ބައްލަވައިގަތުމަށްފަހު އެޕާޓުމެންޓުގެ މިލްކުވެރިކަން ޒިފްލީނާގެ ނަން މައްޗަށް ބަދަލުކުރެއްވުމަށް ސިވިލް ކޯޓަށް ހުށަހެޅުއްވި މައްސަލަ އިއްޔެ ވަނީ ނިންމާފައެވެ.
އެޗްޑީސީން ބުނެފައިވަނީ އެ އެޕާޓުމެންޓުގެ އަގުކަމަށްވާ 3،463،647.92 ރ. ޒިފްލީނާ ދައްކަވައި ހަލާސްކުރައްވާފައިވާ ކަމަށެވެ.
އެހެންވެ މި މައްސަލާގައި ސިވިލް ކޯޓުންވަނީ އެ އެޕާޓުމެންޓު އެޗްޑީސީގެ މިލްކުވެރިކަމުން ވަކިކޮށް ޒިފްލީނާގެ މިލްކުވެރިކަމަށް ބަދަލުކޮށްދީފައެވެ.
ޒިފްލީނާ އަކީ އެމްޑީގެ ރައީސް އަދި ކުރީގެ ފޮރިން މިނިސްޓަރު ޝާހިދުގެ ހަގު އަނބިކަނބަލުންނެވެ. އެދެބޭފުޅުން ކައިވެނިބައްލަވައިގެންފައިވަނީ ސިއްރިއްޔާތުގައި، އދގެ އާންމު މަޖިލީހުގެ ރައީސްގެ މަގާމުގައި އެމެރިކާގައި ޝާހިދު ގިނަ ދުވަސްތަކެއް ވަންދެން އުޅުއްވި ދުވަސްވަރު އެވެ.
ޒިފްލީނާ މިހާ އަގު ބޮޑު އެޕާޓްމެންޓެއް ބައްލަވައިގަތީ ކިހިނެއް ހޯއްދެވި ފައިސާއަކުން ކަމެއް ނޭނގިގެން މީހުން ސުވާލު ކުރުމުން އަދި ގިނަ ބަޔަކު އެކަމާ ކަންބޮޑުވުން ފާޅުކުރުމުން އޭނާ ބުނީ އެއީ ފޯއް ވިއްކައިގެން ލިބުނު ފައިސާ ކަމަށެވެ.
