ރާއްޖޭގައި މެރިކަލްޗާ ސިނާއަތެއް ޤާއިމުކޮށް ތަރައްޤީ ކުރުމަށްޓަކައި ، އެކަމަށް ޝައުޤުވެރިވާ ފަރާތްތަކަށް މޫދު ކޮށްޓާއި ދިރޭ ކުދި ފާނަ ވިއްކުމަށް ފިޝަރީޒް މިނިސްޓްރީން ނިންމާ ނަންނޯޓު ކުރުމަށް ހުޅުވާލަައިފިއެވެ.
ފިޝަރީޒް މިނިސްޓްރީން ބުނީ މޫދު ކޮށްޓާއި ދިރޭ ކުދި ފާނަ އަމިއްލަ ފަރާތްތަކަށް ލިބޭނޭގޮތް ހެދުމުގެ މަގުސަދަކީ ފާނަ ބޮޑުކޮށްގެން މެރިކަލްޗާގެ ވިޔަފާރި ކުރުމަށް މަގު ފަހިކޮށްދިނުކަމަށެވެ.
މި ޕްރޮގްރަމުގެ ދަށުން ތިން މީޓަރު ފުޅާ ތިން މީޓަރު ދިގު، އަށް ގޮޅި ހިމެނޭ (ޖުމްލަ 72 އަކަ މީޓަރު) ޖުމްލަ 57 މޫދުކޮށި އެއް ލައްކަ ރުފިޔާއަށް ވިއްކަން ހަމަޖެހިފައިވާ ކަމަށް މިނިސްޓްރީން ބުނެއެވެ. މި ކޮށިތައް ހުންނާނީ ކޮށީގެ ފްރޭމާއި ދާގަނޑުތަކާއި ވަލާއި ނަގިލި ހިމެނޭގޮތަށްކަމަށްވެސް މިނިސްޓްްރީން ބުނެއެވެ
މޫދުކޮށި ވިއްކުމަށް ހަމަޖެހިފައިވަނީ ކޮށީގެ އަގު ދައްކާ ހާލާސްކުރާ ތަރުތީބުން އެ ފަރާތްތަކަށްކަމަށާއި މި ޕްރޮގްރާމްގެ ދަށުން، ގަންނަ މޫދު ކޮށި ކ. މަނިޔަފުށިން ގެންދިއުމުގެ އިންތިޒާމު ހަމަޖައްސަވަންޖެހޭނީ ކޮށި ގަންނަ ފަރާތްތަކުންކަމަށްވެސް މިނިސްޓްރީން ބުނެއެ
ކުދި ފާނަ ވިއްކުމަށް ހަމަޖެހިފައިވަނީ، ކ. މަނިޔަފުށީގައި ހިންގާ ރިސާރޗް ހެޗަރީގައި ކުރިއަށްގެންދާ ފާނަ އާލާކުރުމުގެ ރިސާރޗް ޕްރޮގްރާމުގެ ތެރެއިން އުފެއްދޭ މިންވަރަކުން ބޮޑު މިނުގައި ހަ ސެންޓިމީޓަރާއި 10 ސެންޓިމީޓަރާ ދެމެދުގެ ފާނައެއް 15ރ. (ފަނަރަ) ރުފިޔާ ގެ މަގުން، ފާނަ ގަތުމަށް ޝައުގުވެރިކަން ފާޅުކުރާ ތަރުތީބަށް ބަލައިގެންކަމަށް ފިޝަރީޒް މިނިސްޓްރީން ބުނެއެވެ
މޫދު ކޮށި ނުވަތަ ކުދި ފާނަ ގަތުމުގެ ކުރިން، އެތަކެތި ބަލާލުމަށް ޝައުޤުވެރިވެވަޑައިގަންނަވާ ފަރާތްތަކުން ނަންބަރު 3322242/3339251 ފޯނަށް ގުޅައިގެން ތާރީހާއި ވަގުތު ހަމަޖައްސެވުމަށްފަހު ކ. މަނިޔަފުށްޓަށް ޒިޔާރަތް ކުރުމުން ކޮށިތަކާއި ފާނަ ބެލޭނެ އިންތިޒާމު ހަމަޖައްސާ ދޭނެކަމަށް މިނިސްޓްރީން ބުނެއެވެ.
