ﷲ ސުބޫޙާނަހޫ ވަތަޢާލާ ކޮންމެ ކަމަށްވެސް ވޭ މަލާއިކަތްބޭކަލަކު މުޤައްރަރު ކުރައްވާފަ. އެގޮތުން މަރާ ހަވާލުކުރައްވާފައިވާ މަލާއިކަތަކީ މަލަކަލް މައުތު. އެކަލޭގެފާނުގެ ޒިންމާ އަކީ ހަމަ މަޚްލޫޤުންގެ މަރު ހިއްޕެވުން، އިތުރު ކަމެއް ނެތް އެކަލޭގެފާނަކަށް.
އެކަލޭގެފާނު ކޮންމެ ދުވަހަކު 5 ފަހަރު ކޮންމެ ދިރޭ އެއްޗެއްގެ ގައިގަ އަތް ބީއްސަވާ. ކޮންމެ ދުވަހަކު ކޮންމެ ދިރޭ އެއްޗެއްގެ ގައިގަ އެކަލޭގެފާނު 5 ފަހަރު އަތް ބީއްސަވާ ކަމަށް ރިވާވެގެން އައިސްފަވޭ. އެއީ ﷲ ގެ އަމުރުފުޅު ހަމަ އައުމާއެކު އެ ނަފްސެއްގެ ފުރާނަ މަލަކަލްމައުތު ހިއްޕަވާނެ.
ޤުރުއާނުގަ ﷲ ވަޙީ ކުރައްވާފައިވަނީ “ އެއްވެސް ނަފްސެއް އެ ނަފްސެއްގެ އަޖަލު އައުމަށްފަހަކު ﷲ ސުބުޙާނަހޫ ވަތަޢާލާ އެންމެ ހިނދުކޮޅެއްވެސް ލަހެއް ނުކުރައްވާނެއޭ.“ —- ﷲ ވަޙީ ކުރައްވަނީ — ”އެއްވެސް ނަފްސަކަށް އެ ނަފްސެއްގެ އަޖަލު ޖެހުމަށް ފަހަކު އެންމެ ސިކުންތެއްވެސް، އެންމެ ހިނދުކޮޅެއްވެސް ﷲ ލަހެއް ނުކުރައްވާނޭ، މަރު ހިއްޕަވާނޭ“
ކޮންމެ ނަފްސެއްވެސް މަރުވާ ވަޤުތުގައި އެދޭނެ، ތިމަންނަ އަދި އެއްފަހަރު ދުނިޔެއަށް ފޮނުއްވައިދޭށޭ. އަދި އެއްފަހަރު ފޮނުއްވައި ދޭށޭ.“ ކޮންމެ ނަފްސެއްވެސް އެދޭނެކަމަށް ކީރިތި ޤުރުއާނުގަ ﷲ އެބައޮތް ވަޙީ ކުރައްވާފަ. — ”ކޮންމެ މީހަކުވެސް އެދޭނޭ، ހަމަ ކޮންމެ މީހަކު ބުނާނެ ކަލިމައެކޭ އެއީ މަރުވާ ވަޤުތުގައި ތިމަންނަ އަދި އެއްފަހަރު ދުނިޔެއަށް ފޮނުއްވައި ދޭށޭ، އޭރުން ތިމަންނަ ދުނިޔޭގަ ހެޔޮ ޢަމަލު ކުރާ ހުށީމެވެ.“ ހުރިހާ ވަޤުތެއް ތިމަންނަ ހޭދަކުރާނީ ހެޔޮ ޢަމަލުގައޭ. ކޮންމެ ނަފްސެއްވެސް އެދޭނެ. އެހެންނަމަވެސް ﷲ ގެ ނިޔާއަކީ ބަދަލު ވާނެ އެއްޗެއް ނޫން. ﷲ ވަނީ ނިޔާ ކުރައްވާފަ އެކަލާންގެ ޙަޒްރަތަށް މީހާ ރުޖޫޢަ ވުމަށް ފަހަކު ދެން އަނބުރާ ދުނިޔެއަކަށް ނާއްނާނެ. އެއްވެސް މީހަކު، އެހިސާބު އޭނަ އެދިޔައީ އޭނަ ކުރި ޢަމަލަކާއިގެން. ދެން އޮންނާނީ އޭނަ ކުރި ޢަމަލެއް. އެހެން އެއްޗެއް އޭނާއަކަށް ނެތް.
އޭނަ ވަޅުލާފަ ފަސްގަނޑުގެ ތެރެއަށް އޭނާ ފޮނުވާލައިފަ ރަސޫލުﷲ ޞައްލަﷲ ޢަލައިހި ވަސައްލަމަ ޙަދީޘްފުޅު ކުރައްވަނީ، އޭނަގެ އަހުލުވެރިންވެސް އެނބުރި އަންނާނޭ، އޭނާގެ އަނބި ދަރީންވެސް އެނބުރި އަންނާނެ، ހުރިހާ މައިންބަފައިންވެސް އެނބުރި އަންނާނޭ. އޭނާ އެތަނުގެ އެޔޮށް އަނދިރި ވަޅުގަނޑުގެ ތެރެއަށް ދޫކޮށްލާފައި، އޭނައާއި އެކުގަ ހަމައެކަނި ބާކީ އޮންނާނެ އެއްޗަކީ އޭނާ ކޮށްފައިވާ އަމަލެކެވެ. ހުރިހާ އެއްޗެއް އަނބުރާ އަންނާނެ. އޭނަގެ މުދާތައްވެސް ދާނެ. އެކައްޗެއްވެސް އޭނައަކަށް ނުގެންދެވޭނެ. ހަމަ ހުދު ފޮށައެއް އޮޅާލައިގެން އޭނަ އޮންނަންޖެހޭނީ އެތާންގަ އެ އަނދިރި ވަޅުގަނޑުގެ ތެރޭގަ. އޭނަގެ ޢަމަލު، ހެޔޮ ޢަމަލެއް ވާނަމަ އެތަން އޭނާއަށް އަލިކޮށްދޭނެ. އެހެންނޫންނަމަ އެތަން އަނދިރި ޢަޒާބުގެ ވަޅަކަށް ވެގެންދާނެ، އަލިފާނުގެ ވަޅަކަށް ވެގެން ދާނެ ކަށްވަޅުވެސް، އޭނަ ނުބައި ޢަމަލު ކޮށްފައިވާނަމަ.
ކޮންމެއަކަސް މަރަކީ މީ އަންނާނެ އެއްޗެއް. އޭގަވަނީ ވަނީ ކޮންމެ މީހެއްގެ ތަޤުދީރުގަ ލިޔުއްވާފަ ﷲ ސުބުޙާނަހޫ ވަތަޢާލާ. އެވަޤުތު އެވަނީ ލިޔުއްވާފަ. ނޭންގެނީ، އެނގޭނަމަ ހުރިހާ އެންމެން ތައުބާވާނެ، ސަބަބަކީ ދުނިޔެއަކީ ﷲ ލައްވާފައިވާ އިމްތިޙާނުގެ ގޮވައްޗެއް. ހުރިހާ ކަމަކުން އެކަލާންގެ އިންސާނާ އިމްތިޙާން ކުރައްވާނެ ދުނިޔޭގަ. ބުއްދިވެރިންނަކީ ﷲ ދެއްވި ކުޑަ ކުޑަ ވަޤުތުކޮޅު ހެޔޮގޮތުގަ ބޭނުން ހިފާ މީހާ، އެއީ ބުއްދިވެރިންނަކީ.
– ޝައިޚް މުޙައްމަދު އިބްރާހީމް
