ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން އަންހެނުންނަށް ޚާއްޞަކޮށްގެން ކަރަންޓާ ގުޅޭ ކޯހެއް ފެށުމަށް ތައްޔާރުވަުވަމުންދާ ކަމަށް އެ ކުންފުނިން މިއަދު ހާމަކޮށްފިއެވެ.
”ބިގިނަރސް އިލެކްޓްރީޝަން ކޯސް ފޯރ ވިމެން“ ގެ ނަމުގައި ހިންގުމަށް ހަމަޖެހިފައިވާ މި ކޯހުގެ މަޤްޞަދަކީ އިލެކްޓްރިކަލް ދާއިރާއަށް އަންހެނުން ޝައުޤުވެރިކުރުވައި، އެ ދާއިރާގައި ފިރިހެނުންނާ އެއް ހަމައެއްގައި މަސައްކަތްކުރުމުގެ ފުރުޞަތު ފަހިކޮށްދިނުން ކަމަށް ސްޓެލްކޯއިން ބުނެއެވެ.
ސްޓެލްކޯގެ އެކްސް އެކައުންޓުގައި ޝާއިޢުކޮށްފައިވާ ޕޯސްޓެއްގައި ބުނެފައިވާ ގޮތުގައި، މި ކޯހުގައި ރައްކާތެރި ގޮތުގައި ކަރަންޓު ބޭނުންކުރުމާއި، ކަރަންޓަށް ކުރާ ޚަރަދު ކުޑަކުރުމުގެ އިތުރުން ކަރަންޓު ވަޔަރުކުރުމުގެ އަސާސީ މަޢުލޫމާތު ކިޔަވައިދޭން ވަނީ ހަމަޖެހިފައެވެ.
ސްޓެލްކޯއިން އިތުރަށް ބުނެފައިވަނީ މި ކޯހުގައި ހިލޭ ބައިވެރިވުމުގެ ފުރުޞަތު މިހާރު ވަނީ ހުޅުވާލާފައި ކަމަށެވެ. ބައިވެރިވުމުގެ އެންމެ ފަހު މުއްދަތަކީ 4 ނޮވެންބަރު ވަނަ ދުވަހުގެ 15:00 އެވެ.
މާލޭގައި ބާއްވާ މި ކޯހުގައި 16 އަހަރުން މަތީގެ ކަނބަލުންނަށް ބައިވެރި ވުނުގެ ފުރުސަތު އޮތް ކަމަށް ސްޓލެއްކޯއިން މައުކޫމާތު ދެއެވެ.
