ދިވެހިރާއްޖެއިން މިސް ޔުނިވަރސް މުބާރާތުގައި ފުރަތަމަ ފަހަރަށް ބައިވެރިވާން ނިންމާފައިވާ މަރިޔަމް ޝައިނާ ނަސީމަށް ދަ ޑިމޮކްރެޓްސް އިން މަރުހަބާ ކިިޔައިފި އެވެ.
ދަ ޑިމޮކްރެޓްސް އިން ޝައިނާއަށް މަރުހަބާ ކިޔާފައިވަމިވަނީ، މެކްސިކޯގައި ބޭއްވުމަށް ހަމަޖެހިފައިވާ ”މިސް ޔުނިވާސް“ މުބާރާތުގައި ދިވެއްސަކު ބައިވެރިވުމަކީ ސަރުކާރާއި އެއްވެސް ގުޅުމެއް އޮތްކަމެއް ނޫން ކަމުގައި ޔޫތު މިނިސްޓްރީން ހާމަކޮށްފައި ވަނިކޮށްނެވެ.
ދަ ޑިމޮކްރެޓްސް އިން މިއަދު ނެރުނު ނޫސްބަޔާނެއްގައި ބުނެފައިވަނީ، ދިވެހިރާއްޖޭގެ އެންމެ އެވޭލާ ތާރީހާއި މެދުތެރޭގެ ތާރީހާހަމަށް އަންހެނުންނަށް ވަރަށް ބާރުވެރިކަން ލިބިދެވިފައި އޮތުމަށްފަހު، އެކަން ހިސާަކަށް ބަދަލުވެ، ސުމުއްވުލް އަމީޜު މުހައްމަދު އަމީން އަލުން ދިވެހި އަންހެނު ކުރިއަށް ނެރުއްވަން ފެއްޓެވި ހިސާބުންފެށިގެން ދިވެހި ރާއްޖޭގައި އަންހެނުން ބާރުވެރިކުރުުގެ ވަކާލާތު ދަނީ ހިންގެމުންކަމުގައެވެ.
”ފިރިހެނުންނަށް އޮންނަ ކޮންމެ ފުރުސަތެއް އަންހެނުންނަށްވެސް ލިބިދިނުމަކީ ދެން މިރާއްޖޭގައި އެއާ އިންކާރުކުރެވި ދެކޮޅުހެދޭނޭ ކަންކަމެއް ނުނެވެ. އަދި އަމުދުން ރާއްޖެ އަނބުރާ އައިކޮޅަށް ފަހަތަށް ގެންދިުއަކީ އެއްވެސް އަޒީރަކަށްވެސް، އެއްވެސް ވެރިޔަކަށްވެސް އޮތް ބާރެއް އޮތް އިހުތިޔާރެއްވެސް ނޫންނެ.“
ދަ ޑިމޮކްރެޓްސް ނެރުނު ނޫސްބަޔާނުގައި ބުނެފައިވެއެވެ.
މިސް ޔުނިވާސް 2024 ގައި ރާއޖެެ ތަމްސީލުކުރައްވާ މަރްޔަމް ޝައިނާ ނަސީމް ނިކުންނަވަނީ ދިވެހި ރާއްޖެ އަށް ވަރަށް ފަހުރުވެރި ނަމެއް ހޯއްދަވައި ދެއްވުމަށްކަމަށާއި ފުރިހަމަ ކާމިޔާބާއި މަރުހަބާ އާއި ތަޙުނިޔާ ދަންނަވާކަމަށް އެބަޔާނުގައި ބުނެފައިވެއެވެ.
މިކަމާއި ގުޅިގެން މިއަދު ޔޫތު މިނިސްޓްރީން ނެރެފައިވާ ނޫސް ބަޔާނުގައި ބުނެފައިވަނީ މެކްސިކޯގައި ބޭއްވުމަށް ހަމަޖެހިފައިވާ ”މިސް ޔުނިވާސް“ މުބާރާތުގައި ދިވެއްސަކު ބައިވެރިވުން، އެއީ ރާއްޖެ ތަމްސީލް ކުރަން ދިވެހި ސަރުކާރުގެ ބައިވެރިވުމެއް އޮތްކަމެއް ނޫން ކަމަށެވެ.
އެ ބަޔާނުގައި އިތުރަށް ބުނެފައިވަނީ ދިވެހިންގެ ދީނާއި އަގީދާއާއި ސަގާފަތާއި ނުގުޅޭ ހަރަކާތްތަކާއި މުބާރާތްތައް ބޭއްވުމަކީ އަދި އެކިއެކި ފަރާތްތަކުން އެފަދަ މުބާރާތްތަކާއި ހަރަކާތްތަކުގައި ދިވެހިން ބައިވެރިވުމަކީ، ދިވެހި ސަރުކާރުން ބަލައިގަންނަ ކަމެއް ނޫންކަމަށާއި އެ ފަދަ ކަންކަމަކީ ދިވެހިން ގަބޫލުކުރާ އާންމު އަހުލާގީ މިންގަނޑުތަކާއި އުސޫލުތަކާއި ހިލާފު ކަންކަމަށްވާއިރު، ރާއްޖެ ތަމްސީލް ކުރުމުގެ ނަމުގައި ދިވެއްސަކު އެފަދަ ހަރަކާތަކަށް ދިޔުން، ދިވެހި ސަރުކާރުން ކުށްވެރިކުރާ ކަމަށެވެ. އަދި އެކަން ހުއްޓާލުމަށް ވެސް އެ ބަޔާނުގައި ވަނީ ގޮވާލާފައެވެ.
ރާއްޖެ ތަމްސީލް ކުރުމުގެ ނަމުގައި އެފަދަ އެއްވެސް ހަރަކާތެއްގައި ދިވެއްސަކު ބައިވެރިކުރުމަކީ ސަރުކާރުން ކުރާނޭ ކަމަކަށް ނުވާއިރު އެއީ ސަރުކާރުން ކުރައްވާ ކަމެއްކަން ދޭހަވާގޮތަށް މައުލޫމާތު ނުފެތުރުމަށާއި އެފަދަ ކަންކަމުގައި ދިވެހިން ބައިވެރިނުވުމަށް އެންމެހާ ރައްޔިތުންނަށް ގޮވާލާ ކަމުގައި ބަޔާނުގައިވެއެވެ.
އިންޑިއާގައި ހުންނަ މެކްސިކޯގެ އެމްބަސީގެ ކޮންސަލް ޑިއެގޯ ޕެރެޒް ވަނީ މިސް ޔުނިވަރސް މުބާރާތުގައި ބައިވެރިވާ ރާއްޖޭގެ މަރްޔަމް ޝައިނާ ނަސީމަށް އެ އިވެންޓް އޮންނަ މެކްސިކޯއަށް ދަތުރުކުރުމަށް ވީސާ ދޫކުރިކަން ހާމަކޮށްފައިވަނީ އިއްޔެއެވެ.
އެ އެމްބަސީން ވަނީ މިއީ މި މުބާރާތުގައި ރާއްޖެއިން ބައިވެރިވާ ފުރަތަމަ ފަހަރުކަމަށް ހާމަކޮށް ޝައިނާ އަށް ކާމިޔާބަށް އެދިފައެވެ.
މިސް ޔުނިވަރސް 2024 ބޭއްވުމަށް ހަމަޖެހިފައިވަނީ މެކްސިކޯގައެވެ. މި މުބާރާތުގެ ތާރީޚުގައި ވެސް ދިވެހިރާއްޖެއިން ބައިވެރިވާ މިއީ ފުރަތަމަ ފަހަރެވެ.
