ދައުލަތުގެ ވަޒީފާއެއް އަދާނުކުރާ މީހުން ބޮޑު ޓީވީ ސްޓޭޝަންތައްހަދައި މުއްސަނދިކޮށް އުޅޭތަން ފެންނަކަމަށާއި، އެފަދަ މައްސަލަތައް ބަލަންޖެހޭ ކަމަށް ތިނަދޫ އުތުރު ދާއިރާގެ މެންބަރު ސައުދުﷲ ޙިލްމީ ވިދާޅުވެއްޖެއެވެ.
ސަރުކާރުގެ ފަރާތުން، މާފުށި ދާއިރާގެ މެންބަރު ޙުސައިން ރިޟާ އާދަމް ހުށަހަޅުއްވާފައިވާ، ދިވެހިރާއްޖޭގެ ޤާނޫނުލްޢުޤޫބާތަށް އިޞްލާޙު ގެނައުމުގެ ބިލުގެ ބަހުސްގައި އަންގާރަ ދުވަހު ވާހަކަ ދައްކަވަމުން ސައުދުﷲ ވިދާޅުވީ، އެ ގާނޫނަށް ބަދަލުގެނައުމަކީ އެއީ ކޮންމެހެން ވެސް މިހާރު ކުރަންޖެހިފައި އޮތް ކަމެއް ކަމަށެވެ. އަދި ދައުލަތުގެ މަގާމު އަދާނުކުރާ މީހުންނަށް ވެސް އެ އަންނަ ކުއްލި މުއްސަނދިކަން ބަލަންޖެހޭނެ ގޮތެއް އެބަ އޮންނަންޖެހޭ ކަމަށް ވެސް ވިދާޅުވިއެވެ.
ސައުދުﷲ ފާހަގަކުރެއްވި ގޮތުގައި ކަންކަން މިހިސާބަށް ދިޔައީ ކުރީގެ ވެރިކަންތަކުގައި މި ނުހައްގު މުއްސަނދިކަން ހޯދި މީހުންގެ މައްސަލަ ބެލިފައި ނެތީމައި ކަމަށެވެ.
“މީގެ ކުރީގެ ވެރިކަމުގައި އަޅުގަނޑުމެން ދެކުނީ ޒީރޯ ޓޮލަރެންސޭ ކިޔައިގެން ބަޔަކު ވާހަކަދެއްކިތަން، އެހެންނަމަވެސް، ޒީރޯ ޓޮލަރެންސް އަޅުގަނޑުމެންނަށް ފެނުނީ އޭގެ އެކޮޅުކޮޅުން، ވެރިކަން ނިމިގެންދިޔައިރު އިންތިހާއަށް މުއްސަނދިވި މީހުން މުއްސަނދިވި“ ސައުދުﷲ ވިދާޅުވިއެވެ.
މާލޭގައި ދެތިން ގެއާއި ދުނިޔޭގެ އެކި ޤައުމުތަކުގައި އެ މީހުންގެ އެޕާޓްމަންޓުތައް ހުރި ބައެއް މީހުން ވެސް ދައުލަތުގެ ވަޒީފާ އޭރު އަދާކޮށްފައިވާ ކަމަށާއި، އެހެންކަމުން މި ގެނެވޭ އިޞްލާޙަކީ ދިވެހި ދައުލަތާއި ދިވެހި ރައްޔިތުންގެ ހައްގު ގައި ރައީސުލްޖުމްހޫރިއްޔާ ގެންނަވާ އިޞްލާޙެއް ކަމަށް ގަބޫލުކުރަށްވާ ކަމަށް އޭނާ ވިދާޅުވިއެވެ.
“މިހާރު ވެސް އަޅުގަނޑުމެންނަށް ފެނޭ ދައުލަތުގެ އެއްވެސް މަގާމެއް އަދާކުރާ ބައެއް ނޫނ،ް އަދި އެނޫން ވެސް ވަޒީފާއަދާކުރާ ބައެއް ނޫނ.ް އެހެންނަމަވެސ،ް ހަމަ ބޮޑެތި އިންވެސްޓްމެންޓު ކުރާތަން އަޅުގަނޑުމެންނަށް ފެނ.ޭ ބޮޑެތި ޓީވީ ސްޓޭޝަންތައް ހަދައިގެން ބޮޑެތ،ި މުއްސަނދިކޮށް އުޅޭތަން އަޅުގަނޑުމެންނަށް އެބަ ފެނ.ޭ ކިހިނެއްވެގެންތޯ މިކަން ކުރެވެނީ އިއްޒަތްތެރި ރައީސް؟ ކިހިނެއްތޯއޭ އިއްޒަތްތެރި ރައީސް މިކަން ކުރެވެނީ؟ ރަނގަޅަށް ބަލައިލާއިރު މި ޓީވީ ސްޓޭޝަން ހަދައިގެން އުޅޭ މީހުން ދައުލަތުގެ އެކި ކުންފުނިތަކަށް ބޮޑެތިބޮޑެތި އަދަދުން ދަރާފައި މި އޮންނަނ.ީ އެހެންވީމ،ާ އިއްޒަތްތެރި ރައީސް މި ބަލަންޖެހޭ“ ސައުދުﷲ ވިދާާޅުވެފަވެއެވެ.
އޭނާ ވިދާޅުވީ، އެފަދަ މީހުން އިންވެސްޓް ކުރި ގޮތްވެސް ބަލަންޖެހޭ ކަމަށާއި، އަދި އެފަދަ މީހުންގެ މައްސަލަތައް ބަލަން މި އިސްލާހް އަވަސް ކުރަން އޭނާ ވަނީ ގޮވާލާފައެވެ.
