ރައްގީއަކީ ހަމައެކަނި ލޮލަށް ފެންނަ, އަތުން ހިފޭ މަޝްރޫއުތައް އެކަނި ކިޔާ ނަމެއް ނޫން ކަމަށާއި، ޤައުމެއްގެ ނަޒަރުން ވިސްނާއިރު ވަށާ ޖެހޭ ތަރައްޤީ އަކީވެސް މުޙިއްމު އެއްޗެއް ކަމަށް ރައީސް ޑރ މުޙައްމަދު މުޢިއްޒު ވިދާޅުވެއްޖެއެވެ.
ރައީސް މިހެން ވިދާޅުވީ ހުވަދުއަތޮޅަށް މިހާރު ކުރައްވަމުން ގެންދަވާ ދަތުރުފުޅުގައި ގދ. ވާދުއަށް ވަޑައިގެން އެ ރަށު ރައްޔިތުންނާ ބައްދަލު ކުރައްވައި ވާހަކަފުޅު ދައްކަވަމުންނެވެ.
ރައްޔިތުންނަށް ދަތިކުރުމަށް ސަރުކާރުން އެއްވެސް ނިންމުމެއް ނިންމަވާފައި ނުވާނޭކަމަށާއި، ސަރުކާރުގެ ކޮންމެ ނިންމެވުމަކީވެސް ޤައުމާއި ރައްޔިތުންގެ ހައްްޤުގައި ނިންމަވާފައިވާ ނިންމެވުންތަކެއްކަމަށް ރައީސް ޑރ.މުޙައްމަދު މުޢިއްޒު ވަނީ ވިދާޅުވެފައެވެ.ވާދޫ ރައްޔިތުންނާ ބައްދަލުކުރައްވާ ވާހަކަފުޅުދައްކަވަމުން ރައީސް ޑރ.މުޙައްމަދު މުޢިއްޒު ވިދާޅުވީ ތަރައްޤީއަކީ މައުނަވީ އަދި ރައްޔިތުންނަށް އޭގެ އިހުސާސް ކުރެވޭ އެއްޗަކަށް ހެއްދެވުމަށް ސަރުކާރުން މަސައްކަތް ކުރަމުންގެންދަވާނެކަމަށެވެ.
އޭގެތެރެއިން އެއް މަސައްކަތަކީ ރާއްޖޭގައި ޒަމާނުއްސުރެ ހަރުލާފައިވާ ރައްޔިތުންގެ ދުޅަހެޔޮކަމަށް ނުރައްކާ އޮތް ވަބާތަކާއި އާދަތަކުން ޤައުމު ސަލާމަތްކުރުންކަމަށެވެ.
އަދި އެކަންކަމުން ޤައުމު ސަލާމަތްކުރުމަށް ސަރުކާރުން އުނދަގޫ ނިންމެވުންތަކެއް ނިންމަވަމުންދާކަން ރައީސް ފާހަގަކުރެއްވިއެވެ. ރައީސް ވިދާޅުވީ އެ ނިންމެވުންތަކަކީ ރައްޔިތުންނަށް ދަތިކުރުމަށް ނިންމަވާ ނިންމެވުންތަކެއް ނޫންކަމަށާއި އެއީ ޤައުމުގެ އުޖާލާ މުސްތަޤުބަލަށްޓަކައި ނިންމަވާ ނިންމެވުންތަކެއްކަމަށެވެ. އަދި އެފަދަ ހުރިހާ ނިންމެވުމެއްގައި ހުރިހާ ރައްޔިތުންގެ އެއްބާރުލެއްވުން ބޭނުންވާކަމަށްވެސް ރައީސް ވިދާޅުވިއެވެ.
