އިންޑިއާއަށް ނިސްބަތްވާ މޮނަލިސާ ބޮންސްލޭ އިންޑިއާގެ މުޅި ސޯސަލް މީޑިއާ ހޮސޯރުކޮށްލާފައި މިވަނީ އޭނާގެ ރީތި ގުދުރަތީ ސިފަތަކުންނެވެ.
މި އަންހެން މީހާއަކީ މަގުމަތީގައި މިނާފަތި ”މާލާ“ ވިއްކަން އުޅޭ އަަންހެނެކެވެ. އޭނާގެ ރީތި ލޮލާ ހިނިތުންވުން އަދި ހަމުގެ ކުލައިގެ ރީތިކަން ފެނި އިންޑިއާގެ މީޑިއާތައް ވަނީ އާށޯހުވެފައެވެ. މީޑިއާތަކުން އޭނާގެ އިންޓަވިއުތައް ސޯސަލް މީޑިއާގައި ފުރާލާފައި ވަނިކޮށް ގިނަ އަދަދެއްގެ އާއްމުންވެސް އޭނާ ގާތަށް ސެލްފީ ނެގުމަށް ދަނީ ޒިޔާރަތް ކުރަމުންނެވެ.
ވަރަށް އާދައިގެ ދިރިއުޅުމެއް އުޅެމުން އައި މޮނަލިސާއަށް ލިބުނު މި ކުއްލި މައްސޫރުކަމުގެ ސަބަބުން އޭނާއަށް ވަނީ ގިނަ ގޮންޖެހުންތަކަކާއި ކުރިމަތި ލާން ޖެހިފައި ކަމަށް އޭނާ ވަނީ ބުނެފައެވެ. އެގޮތުން އަމިއްލަ ވިޔަފާރި ކުރަމުން އައި މޮނަލިސާގެ ވިޔަފާރީއަށްވެސް ވަނީ މި ސަބަބާއި ހުރެ ގެެއްލުން ތަކެއް ލިބިފައި ކަމަށް އޭނާ ބުންޏެވެ.
މީގެ ކުރިންވެސް މިފަދަ ގޮތަކަށް އިންޑިއާގައި ރެއިލްވޭ ސްޓޭޝަންއެއްގައި ލަވަކިޔާ އަންހެނަކު މައްޝޫރު ވިއެވެ. ރާނޫ މޮންޑަލް ކިޔާ އެ އަންހެން މީހާއަށް ވެސް ވަނީ މިފަދަ ގޮތަކަށް ސަމާލުކަން ލިބި ބޮލީވުޑްގައި މަސައްކަތް ކުރުމަށް ވެސް ފުރުސަތު ލިބިފައެވެ. އެހެން ނަމަވެސް ފަހުން އާއްމުންގެ ފަރާތުން އޭނާއަށް ލިބުނު ބޮޑު ސަމާލުކަން އޭނާއަށް އުދަގުލަކަށް ވެ އޭނާގެ ފޭނުންނަށް އިހާނެތިކޮށް ހިތާ މަންޒަރުތައް ސޯސަލް މީޑިއާގައި ފުރާލުމަށް ފަހު އޭނާ ވަނީ ހޫނު ފެނަށް ވެއްޓިފައެވެ.
