ލީގަލް އެއިޑް ކޮންސަލްޓަންޓުންގެ ގޮތުގައި މަސައްކަތް ކުރާނެ ގާނޫނީ ވަކީލުން ހޯދަން އެޓާނީ ޖެނެރަލް (އޭޖީ) އޮފީހުން އިއުލާނުކޮށްފި އެވެ.
އޭޖީ އޮފީހުން ބުނީ ދައުލަތުގެ ފަރާތުން ގާނޫނީ ވަކީލެއްގެ އެހީތެރި ކަމަށް އެދި ހުށަހަޅާ ފަރާތްތަކުގެ ތެރެއިން، ޝަރުތު ފުރިހަމަވާ ފަރާތްތަކަށް ގާނޫނީ ވަކީލެއްގެ އެހީތެރިކަން ފޯރުކޮށްދިނުމަށް ލީގަލް އެއިޑް ކޮންސަލްޓަންޓުންގެ ގޮތުގައި މަސައްކަތްކުރާނެ ހަ ގާނޫނީ ވަކީލުން ބޭނުންވާ ކަމަށެވެ.
މިކަމަށް ޝައުގުވެރިވާ ވަކީލުންނަށް އެޕްލައިކުރުމުގެ ފުރުސަތު މި މަހުގެ 16 އާ ހަމައަށް އެ އޮފީހުން ވަނީ ހުޅުވާލައިފަ އެވެ.
އޭޖީ އޮފީހުން ބުނީ މިކަމާބެހޭ އިތުރު މައުލޫމާތު 7911194 އަށް ގުޅައިގެން ހޯދޭނެ ކަމަށެވެ.
ގުޅުންހުރި ލިޔުންތައް
