މާލޭގެ އުސް އިމާރާތެއްގެ މަތިން ބޮއެގެން ވެއްޓުނު ހައްވާ ޔުމްނު ރަޝީދު، 21، ގެ ހައްގުގައި ޒުވާނުން ކޮންމެ ރެއަކު ކުރިއަށް ގެންދާ ސިލްސިލާ މުޒާހަރާގައި ބައިވެރިވާން ދަ ޑިމޮކްރެޓްސް އިން މިއަދު ނިންމައިފި އެވެ.
ދަ ޑިމޮކްރެޓްސް އިން ބޭއްވި ނެޝަނަލް އެސެމްބްލީގައި އެ ޕާޓީން ނިންމީ ޕާޓީގެ ކުލަ އާއި ދިދަ ބޭނުން ނުކޮށް ޒުވާނުންގެ މުޒާހަރާގައި ބައިވެރިވުމަށެވެ.
”މި ޕާޓީގެ ކުލަ އާއި ދިދަ ބޭނުން ކުރުމާ ނުލާ، މި ސުލްހަވެރި އިހުތިޖާޖުތަކުގައި ބައިވެރިވެ ޒުވާނުންނަށް ހިތްވަރު ދިނުމަށް މި ޕާޓީގެ އެންމެ މެންބަރުންނަށް އިލްތިމާސްކުރަން،“ އެ ޕާޓީން ބުންޏެވެ.
ޑިމޮކްރެޓްސްއިން ބުނީ މުޒާހަރާގައި އެ ޕާޓީން ބައިވެރިވެ، ޒުވާނުން އެދޭ އެހީތެރިކަމެއް އެދޭ މިންވަރަކަށް ފޯރުކޮށްދިނުމަށް ވެސް ތައްޔާރަށް އޮތް ކަމަށެވެ.
ގުޅުންހުރި ލިޔުންތައް
