ރާއްޖޭގެ އެކިކަންކޮޅުތަކުގައި ޢަލްހާ އީދު ފާހަގަ ކުރުމުގެ ގޮތުން ގިނަ ގުނަ ހަރަކާތްތަކެއް ވަނީ ކުރިއަށް ގެންގޮސްފަ އެވެ.
މުޅި ސޯސިއަލް މީޑިޔާ އީދު އުފާ ފާޅުކުރުމާއި ކުޅިވަރުގެ ހަރަކާތްތަކުގެ ފޮޓޯތަކާއި ވީޑިޔޯތަކުން ފުރާލާފައިވާއިރު އައްޑޫގެ އީދުގެ ހަރަކާތްތައް ހިންތިހާއަށް ގިނަ އެވެ.
އައްޑޫގައި އީދު ފާހަގަ ކުރުމުގެ ގޮތުން ކުރިއަށް ގެންދިޔަ ގިނަ ހަރަކާތްތަކުން ވެސް ފޭދޫ ޒުވާން ކަނބަލުންގެ ސަގާފީ ނެށުމުގެ ހަރަކާތްތައް އާދަޔާ ހިލާފަށް ފަރިވެފައި ސަޅި އެވެ. އެއީ ސަބަބެއް ނެތިއެއް ވެސް ނޫނެވެ. ދޮންދީނިތަކެއް ފަދައިން އައްޑޫ ކަނބަލުންގެ ހަރަކާތްތައް ސޯސިއަލް މީޑިޔާގައި ފާހަގަ ވެގެން ގޮސްފައިވާއިރު ފެހި ކުލައިގެ ދިގު ހެދުމެއް އަޅައިގެން ލޫޅާފަތި ހަށިގަނޑެއްގެ ކަނބަލެއްގެ ހިނިތުންވުން ގިނަ ބަޔަކަށް ކަމުގޮސްފައެވެ. ކަޅިރަވައިގެ ރީތިކަމާއި ކޯތާފަތުގެ ވިދުވަރުން ޒުވާން ޖިންސުން ލަތީފުންގެ ހިތްތައް ފަތަހަ ކޮށްފި އެވެ.
ޒުވާން ފިރިހެން ކަލުންނަށް އެމަންޖެގެ ނަން ނޭނގުނު ނަމަވެސް ހިތުން ހާއްސަ ގަދަރެއް ދެވިފައިވާ ކަމީ ހަގީގަތެވެ.
