އިޒްރޭލު މީޑިއާއިން ބުނަނީ ހުޅަނގުގެ ގައުމުތަކުން އިޒްރޭލަށް މި ވަގުތުވެސް ޔަހޫދީ ނިޒާމަށް ހަތިޔާރު ސަޕްލައިކޮށްދެމުންދާ ކަމަށެވެ. ނަމަވެސް ޗައިނާގެ އަސްކަރީމަތިންދާ ބޯޓެއް ތެހެރާން އެއާޕޯޓަށް ޖެއްސުމުން ހުޅަނގުގެ ވެރިން ކަންބޮޑު ވެއްޖެއެވެ.
ޗައިނާގެ ކާގޯ ބޯޓު ތެހެރާނަށް ޖައްސާފައި ވަނީ އޭގެ ޓްރާންސްޕޮންޑަރ ނިއްވާލައިގެން ރޭޑާއަށް ނާރާ ގޮތަށެވެ.
ހުޅަނގުން ބުނަނީ އަސްކަރީ އޮޕަރޭޝަނެއް ހިންގަން ޗައިނާއިން އެހީތެރިވާ ކަމުގެ ބިރެއް އޮތް ކަމަށެވެ.
ތަޖުރިބާކާރުންގެ ލަފާތަކާ ހަވާލާދީ މީޑިއާއިން ރިޕޯޓުކޮށްފައިވާ ގޮތުގައި ޗައިނާއިން އީރާނަށް ޒަމާނީ ހަތިޔާރު ނުވަތަ ހުޅަނގުން ބިރު ގަންނަ ޒާތުގެ ސާމާނު ފޯރުކޮށްދީފިނަމަ، ޔަހޫދީންނާއި އެމެރިކާއަށް ވެސް ގޮންޖެހުންތަކެއް ކުރިމަތިވެދާނެ އެވެ.
އިންޑިއާ އާއި ޕާކިސްތާންގެ ކުރިމަތިލުންތަކުން ފާހަގަ ވެގެން ދިޔައީ ޗައިނާއަކީ ހީކުރާ ވަރަށް ވުރެން ކުރިއަޜާފައިވާ މޮޅު ޓެކްނޮލޮޖީ ގެންގުޅޭ ބާރެއް ކަމަށެވެ. ޗައިނާ ބޯޓު ޖެއްސުމާ ގުޅިގެން ހުޅަނގުގެ ޖާސޫސީ އިދާރާތަކުން ތެޅިފޮޅެނީ އެވެ.
