ގިނަ އަދަދެއްގެ ޔަހޫދީން އިސްރާއީލު ދޫކޮށް ކަނޑުމަގުން ކައިރި އެހެން ގައުމުތަކަށް ދަތުރު ފަށަމުންދާކަމަށް އިސްރާއީލުގެ މީޑިއާތަކުން ބުނެފި އެވެ.
އިޒްރޭލުގެ މީޑިއާތަކުން ބުނާ ގޮތުގައި އިޒްރޭލުގެ އެތައް ސަތޭކަ ޔަހޫދީން ޔޮޓުތަކުގައި ކައިިރީގައި އޮންނަ ސައިޕްރަސް އަށް ދިޔުމަށް ވަނީ ދަތުރުފަށާފައި އެވެ.
އަދ ކަނޑުމަގުން އިޒްރޭލު ދޫކޮށް ދިއުމަށް އެތައް ހާސް ޑޮލަރެއް ދައްކަން ގިނަ ބަޔަކު ތައްޔާރަށް ތިބި ކަމަށްވެސް އިޒްރޭލުގެ މީޑިއާތަކުން ވަނީ ރިޕޯޓުކޮށްފައެވެ. އެގޮތުން މިވަގުތުވެސް ހިފައިފައިވާ ހަރުޒްލިއާ، ހައިފާ އަދި އަޝްކެލޯންގެ ބަނދަރުތަކުން 10 މީހުންނަށް ވުރެ ގިނަ ނޫން މީހުންގެ ގްރޫޕްތައް އެކުލަވާލައި ކުދި ޔޮޓްތަކުން ދަތުރުތައް ފަށާފައިވާ ކަމަށްވެސް ވަނީ ރިޕޯޓުކޮށްފައި އެވެ.
މީޑީއާތަކަށް އިންޓިވިއުދިން ބައެއް ޔަހޫދީން ބުނާގޮތުގައި ނަތަންޔާހޫގެ ސަރުކާރުން އިސްރާއީލުގެ އާންމުންނަށް ރައްކާތެރިކަން ކަށަވަރުކޮށްދޭން އެއްވެސް މަސައްކަތެއް ނުކުރެއެވެ. އަދި މަސައްކަތްކުރި ނަމަ ފާއިތުވި ދެދުވަހު އިސްރާއީލަށް ބޮޑެތި ގެއްލުންތަކެއް ނުލިބޭނެ ކަމަށް ޔަހޫދީއަކު ވަނީ އިންޓަވިއުގައި ބުނެފައި އެވެ.
އިސްރާއީލުން އިރާނަށް ދޭން ފެށި ހަމަލާތަކުގެ ރައްދުގައި އިރާނުން ހަމަލާދޭން ފެށުމާއި އެކު ނަތަންޔާހޫއާއި އޭނާގެ ސަރުކާރުގެ އިސްވެރިން ވަނީ އާއިލާތަކާއި އެކު ބިންގަރާސްތަކަށް ވަދެ ފިލާފައި އެވެ. އަދި އިސްރާއީލުެ ސަރުކާރުގެ އިސްވެރިންނާއި އާއިލާތަކަށް ގިނަ ދުވަހު މަޑުކުރެވޭނެ ގޮތަށް މަތީ ފަންތީގެ ބިންގަރާސްތަކެއް ހަދާފައިވާކަން ފަޅާއެރުމާއި އެކު ގިނަ ބަޔަކު އަންނަނީ ނަތަންޔާހޫއާއި އޭނާގެ ސަރުކާރާއި ދެކޮލަށް އަޑުއުފުލަމުންނެވެ.
