މިރެއަކީ އީރާނުގައި އުފައްދާފައިހުރި އެންމެ ބިރުބޮޑު ”ގިޔާމަތު“ ގެ ނަން ދެވިފައިވާ 50 ފޫޓު ދިގު ބަރުދަނު 27 ޓަނު ބިޔަ މިސައިލް ލޮންސިޔެއް ހެން އަޑަށްވުރެ އެތައްގުނަ ބާރު ސްޕީޑް ގައި 1800 ކިލޯމީޓަރ އަށް ބޭރުޖައްވުން ގޮސް އިޒްރޭލުގެ ވެރިރަށް ތެލްއަވީވް އަށް ވެއްޓިގަނެ ބޮޑު ބަޔެއް ހަލާކުވެ އިޒްރޭލުގެ ޖަނާޒާ ނެރޭނޭ ރެއެވ.ެ
އެ މިސައިލް އިން އުފައްދާ އަޑަކީ އެލެކްޓްރޯ މެގްނެޓިޒަމް އަޑެކެވެ. އެ މިސައިލް ގޮވުމުގެ އަޑުފަށް ޖެހި މުވާސަލާތީ ގުޅުމާއި އެލެކްޓްރިކް ކަރަންޓް ކެނޑި ޖައްވީ ދިފާއީ ބާރުތައް 80 ކިލޯމީޓަރަށް ކަނޑުވާލާ އަލްޓްރާ ސައުންޑް އީއެމްޕީ އަޑަކީ ކަންފަތް ބަތްޖެހި ހޭވެރިކަން ކަނޑުވާލާ، ބިންގަނޑު ގުގުމާލާ، ޗާޓުން އެ ސަރަހައްދެއް ފޮހެލާ ބިރުބޮޑު ”القيامة“ މިސައިލް އެވެ.
މި ޚަބަރު ފެތުރުމާއެކު އިޒްރޭލުގެ މީހުން އެތަކެއް ހާހުން ދަތުރު ހަދައިގެން ފުރަންދާ މަންޒަރު އިޒްރޭލުގެ މަގުތަކުން ފެނިގެން އެބަދެއެވެ. އޭގެތެރޭ އަސްކަރިޔާގެ ސިފައިން ވެސް ހިމެނެއެވެ.
ބޯޑަރު ހުރަސްކޮށް މިސްރު މަގުން ބޭރުގެ ގައުމުތަކަށެވެ.އިޒްރޭލުގެ ތެލްއަވީވް ގައި ދިރިއުޅޭ އަންހެނެއްގެ ދުލުން:
އުޅުނީ ތެލްއަވީވް ގައި ސަރުކާރު ވަޒީފާއެއްގައެވެ. އުޅެން ޖެހުނީ ހަމަނުޖެހުމުގެ ތެރޭގައެވެ. ދާޚިލީ ހަމަނުޖެހުމާއި މުޒާހަރާ ތަކުތެރޭގައެވެ. ދުވަހުން ދުވަހަށް ހަމަނުޖެހުން އިތުރުވަމުން ދިޔައެވެ. އިޒްރޭލުން އީރާނަށް ހަމަލާ ދޭނޭކަން ޔަގީނަށް އެނގެއެވެ. ނަމަވެސް މިހާ ކުއްލި ގޮތަކަށް ނުރައްކާބޮޑު ހަމަލާއެއް އީރާނަށް ދޭނޭ ކަމަށް ހިތަކަށް ވެސް ނާރައެވެ. އިސާހިތަކު އީރާނުން އޭގެ ރައްދު ދިނީ ތަސައްވުރު ނުކުރެވޭހާ ގަދަފަދަ އަށެވެ. މި މަހުގެ 14 ވަނަ ދުވަހެވެ.
ވަޒީފާ އަށް ދިޔަ މަގުމަތިން ކުރިޔަކަށް ނުދެވުނެވެ. ޓްރެފިކް ވަނީ މަޑުޖެހިފައެވެ. އިޒްރޭލަށް މިސައިލްތަކެއް އޮހެމުންދާ ޚަބަރު ބްރޯޑުކާސްޓް ކުރެވެމުން އެބަދެއެވެ. އަނބުރާ ވަގުތުން ގެއަށް ދިއުމަށް ފޯނަށް މެސެޖް ލިބިއްޖެއެވެ. ދުރުން ފެނުނީ ބޮޑު ދުންގަނޑެއްގެ ވިލާގަނޑަކާއެކު ގޮވުމުގެ އަޑުފަށްގަނޑެކެވެ. އެގަޑީގައި މުޅި އެހިސާބުގައި ތިބި މީހުނަށް ބޮޑު ކާރިސާ އެއްގެ އިހުސާސް ކުރެވުނެވެ. އެރޭ އެންމެން ދާން ޖެހުނީ ބިމުއަޑީ ބަންކަރު ތަކަށެވެ. ނިދޭ ގޮތެއް ނުވިއެވެ. ވަށައިގެން ބިރުންތިބި ލޯތަކެވެ. ބޮޑެތި ފިރިހެނުންގެ ރޯ އަޑުފަށެވެ. ދެވަނަރޭ އައުމުން މަރުވިނަމައޭ ހިތަށް އެރިއެވެ.
އެއްވެސް މީހަކު ހީކުރި ކަމެއް ނޫނެވެ. މީހުނަށް ކެތެއް ނުވިއެވެ. މީހުންގެ މެދުގައި އަރައިރުން ފެށިއްޖެއެވެ. ބަންކަރުތައް ހުރީ ބަޔަކަށް ތިބެވޭހެނެއް ނޫނެވެ. ޖަލުތަކަށް ވުރެ ގޯހެވެ. ހުރިހާ މީހުނަށް ބޭނުންވަނީ ގައުމު ދޫކޮށް ދާށެވެ. ފިލޭތޯއެވެ. ދާނީވެސް ކޮންތާކަށްތޯއެވެ. ޖައްވު ވަނީ ހިސާރުވެ އެއަރޕޯޓް ބަންދުވެ ބޯޑަރުތައް ވަނީ ބަންދުކޮށްފައެވެ. ފެނޭހާ ބަޔެއްގެ ވިސްނުން ހުރީ އެއްގަމުން ނުވަތަ ކަނޑު މަގުން ނަމަވެސް ގައުމުން ބޭރުވެ ރައްކާވޭތޯއެވެ. މާކުރީއްސުރެ ވެސް ގިނަ މީހުންގެ ވިސްނުން ހުރީ ގައުމުދޫކޮށް ދާށެވެ.
އީރާނަކީ ޚާން ޔޫނުސް ނޫންކަމާއި އެއީ ކިހާވަރެއްގެ ގައުމެއް ކަމާއި އެމީހުންގެ ފިކުރު ހުރި ގޮތް އެންމެނަށް ވެސް އެނގެއެވެ. ގިނަ އަދަދައް ތަފާތު މިސައިލް އާއި އެކަކަށްވެސް ތަސަވުރު ނުކުރެވޭހާ ވަރުގެ ހަތިޔާރު ހުރި ސަރިހައްދީ ބޮޑު ގައުމެއް ކަން އެންމެނަށްވެސް އެނގެއެވެ.
