ހަލުވިކަމާއެކު ފެތުރެމުންދާ އަލިފާނުގެ ސަބަބުން އިސްރާއީލުގެ މެދުތެރޭގެ ސިޓީއެއް ކަމަށްވާ ނެސް ޒިޔޯނާގެ ތިން އިމާރާތަކަށް ވަރަށް ބޮޑަށް ގެއްލުންވެއްޖެއެވެ.
ހަލުވިކަމާއެކު ފެތުރެމުންދާ އެ އަލިފާންގަނޑު ނިއްވުމުގެ މަސައްކަތުގައި ފަޔާ ފައިޓަރުން ދަނީ ހަރަކާތްތެރިވަމުންނެވެ.
ޓަައިމްސް އޮފް އިސްރާއީލުން ބުނީ އަލިފާނުގެ ހާދިސާތަކުން އަރައިގަތުމުގައި އަލިފާން ނިއްވުމުގެ 21 ޓީމަކާއި، ސެންޓްރަލް ޑިސްޓްރިކްޓް ފޯސަސްއަށް އެހީތެރިވުމަށް އެހެން ޑިސްޓްރިކްޓްތަކުގެ ގިނަ ޓީމްތަކެއް މިހާރު ދަނީ ހަރަކާތްތެރިވަމުންނެވެ.
ފަޔާ އެންޑް ރެސްކިއު ސާވިސްގެ ތަރުޖަމާނު ބުނީ ވަނީ އަލިފާނު ރޯވަމުންދާ ސަރަހައްދާއި އެންމެ ކައިރީގައި ހުރި ގެތަކުގެ ފުރަތަމަ ސަފު ހުސްކޮށްފައިވާ ކަމަށެވެ. އަދި ކައިރީގައި ހުރި އިމާރާތްތައް ރައްކާތެރިކޮށް އާންމުންގެ ސަލާމަތާއި ރައްކާތެރިކަން ކަށަވަރުކުރުމަށް ”ފުޅާ ދާއިރާއެއްގައި މަސައްކަތް“ ކުރަމުން އަންނަ ކަމަށް ބުނެފައި ވެއެވެ.
