އުތުރު ކޮރެއާގައި ބީޗް ރިސޯޓެއް ހުޅުވަން ތައްޔާރު ވެއްޖެ އެވެ.
އުތުރު ކޮރެއާއިން އެ ގައުމުގައި ފުރަތަމަ ފަހަރަށް ހުޅުވަން ހަމަޖެހިފައިވާ ބީޗް ހިމެނޭ ރިސޯޓު ހަދާތާ ހަ އަހަރު ވެފައިވާ އިރު، އަންނަ މަހުގެ އެއްވަނަ ދުވަހު އެ ރިސޯޓު ހުޅުވިގެން ދާނެ ކަމަށް ރިޕޯޓުތައް ބުނެއެވެ.
ރިޕޯޓުތައް ބުނާގޮތުގައި އުތުރު ކޮރެއާއިން ބީޗް ހިމެނޭ ރިސޯޓެއް ހުޅުވުމަށް ތައްޔާރުވެފައިވާ އިރު، އެއީ އެގައުމުގެ ލީޑަރު ކިމް ޖޮންގް އުންގެ ހުވަފެނެކެވެ.
އެގައުމުގެ ވޮންސަން ސަރަހައްދު ލަގްޒަރީ ފެންވަރަށް ތަރައްގީ ކޮށްފައިވާ އިރު، އެ ރިސޯޓުގައި 20،000 މީހުންނަށް ބޭނުންކުރެވޭ ހަތަރު ކިލޯމީޓަރު ދިގު ބީޗެއް ހުޅުވާނެއެވެ. އަދި ބީޗާއި އިންވެގެން ހޮޓަލާއި ރެސްޓޯރަންޓުގެ އިތުރުން ޝޮޕިން މޯލްތަކާއި ޕާކުތައް ހިމެނޭނެ ކަމަށް އުތުރު ކޮރެއާގެ ދައުލަތުގެ މީޑިއާއިން ރިޕޯޓުކޮށްފައިވެއެވެ.
ހަރުކަށި ގަވާއިދުތައް އެކުލެވޭ ޓުއާ ޕެކޭޖުގައި މިހާރުވެސް އުތުރު ކޮރެއާއަށް ފަތުރުވެރިން ޒިޔާރަތް ކުރާ އިރު، އަލަށް ހުޅުވާ ބޯޗު ހިމެނޭ ރިސޯޓު ބޭރު މީހުންނަށް ހުޅުވާލުމާ މެދު އެ ގައުމުން އަދި ގޮތެއް ނުނިންމައެވެ.
