ރައީސާއި މަގުމަތިން ދިމާކޮށް ފުރައްސާރަ ކުރުމަކީ ގަޓުކަމެއް ނޫން، އެއީ ގޮތްކުޑަކަމުގެ ނިސާން ކަމަށް ވިޔަފާރިވެރިޔާ އިނަރ މޯލްޑިވްސް ފިރާގް ވިދާޅުވެއްޖެ އެވެ.
ފިރާގް ވިދާޅުވީ ހިޔާލް ފާޅުކުރުމާއި ފާޑުކިޔުން އޮންނަން ވަނީ ތަހްޒީބު ގޮތެއްގައި ކަމަށެވެ.
“ ރައީސުލްޖުމްހޫރިއްޔާގެ ދަތުރުފުޅުގައި މީހަކު ނުވަތަ މަދު ބަޔަކު ރައީސްއަށް ދިމާލަށް މަގުމަތިން ހަޅޭއްލަވައި ދިމާކުރުމަކީ ހިތްވަރުގަދަކަމުގެ ނިޝާނެއް ނޫން. އެއާ ޚިލާފަށް، އެމަޤާމުގައި ހުންނަ ބޭފުޅަކަށް އިޙްތިރާމް ކުޑަކަން ދައްކުވައިދޭ ވަރަށް ދަށު ދަރަޖައިގެ އަދި ނާތަހުޒީބު ސުލޫކު ދައްކުވައިދޭކަމެއް. ޚިޔާލުތަފާތުވުން ނުވަތަ ފާޑުކިޔުން ފާޅުކުރަންވާނީ މިއަށްވުރެ ތަހުޒީބީ އަދި ބިނާކުރަނިވި ގޮތެއްގައި.މިއީ އަޅުގަނޑުމެންގެ ޒުވާން ޖީލަށް ދެވޭ ވަރަށް ވިޔާނުދާ މެސެޖެއް.“ ފިރާގް އޭނާގެ ފޭސްބުކުގައި ލިޔުއްވާފައި ވެއެވެ.
