ބަގުރޫޓް ފައްޔާޒު އިސްވެހުރެ އެމްޑީޕީގެ ބައެއް އިސް ގުބޯލިން ރަށްރަށުގެ ރައްޔިތުންނަށް ފަސްކުޅަމަދު “ގަބުޅި ކަތީބުން” ނޭ ބުނެ ރަށްރަށުގެ ކުރީގެ ހިނގުންތެރިންނަށް ދެރަބަސް ރައްދުކޮށް ކުޑައިމީސް ކުރާ މައްސަލަ ހޫނުވެއްޖެ އެވެ.
ލާމަރުކަޒީ ނިޒާމަށް ހުށަހެޅި އިސްލާހާއި ގުޅިގެން ފައްޔާޒާއި އެމްޑީޕީ އިސް ބައެއް ގުބޯލިން ވަނީ މާލެ ނޫން ރާއްޖެތެރޭ މީހުން “ފަސްކުޅަނދު މަދު” ކަމަށް ބުނެ އިހްގައި ބޭނުން ކުރި ބޭއަދަބީ ބަސްތައް ބޭނުން ކުރަމުން ނެވެ.
މައްސަލަ ހޫނުވެ ފައްޔާޒު ކުރި ޕޯސްޓް ގަބުޅިކަތީބުނޭ ބުނިބަސް އެޑިޓްކޮށް ވަނީ މިހާރު އުނިވެސް ކޮށްފަ އެވެ.
ލާމަރުކަޒީ ނިޒާމްގެ އިސްލާހަށް ފައްޔާޒުގެ ފާޑުކިޔައި ކަތީބުންނާއި ރަށްރަށުގެ ކަމުވޮށިގެންވާ ބޭފުޅުންނަށް ކުޑައިމީސް ކުރުން އަމާޒުވަމުން ދާއިރު ރަށްރަށުގައި ރައްޔިތުންގެ ރުހުން ބޮޑު، ހިދުމަތްތެރި އެތައް ކަތީބުންނެއް އުޅުއްވިއެވެ. ރައްޔިތުންގެ މަޝްވަރާ އޮތެވެ. ހިންގުމުގެ ނިޒާމެއް އޮތެވެ. ރާކާފު ކޮމިޓީއާ އަލިފްކާފު ކޮމިޓީ އޮތެވެ. އަދި އެހެންވެސް ރަށުގެ ހިންގުމުގެ ހަރުދަނާ ނިޒާމެއް އޮތެވެ.
ބަގުރޫޓު ފައްޔާޒަށް ނޭނގުނު ނަމަވެސް ޖުމްހޫރިއްޔަތަށް ފުރޮޅުމުގެ ކުރީގައި އަތޮޅުތައް ހިނގަމުން އައީ ވަރަށް ލާމަރުކަޒީ ގޮތެއްގައެވެ.
ރަށްރަށުގެ ކަމުވޮށިގެންވާ ބޭފުޅުންގެ މަސްވަރާގެ ހާއްސަ މަޖިލީސްތައް އޮވެ އެވެ. އަދި ބައެއް ރަށްރަށް ހިންގަމުން އައީ “ބޮޑުބާރައިން” ކިޔާ ބައެއްގެ މަޝްވަރާގެ މަތިންނެވެ. އެ ބާރަ މީހުންނަކީ ރަށުގެ މަޖްލީހެވެ. އޭގައި ތިބެނީ އޮޑިވެރިންނާއި ވިޔަފާރިކުރާ މީހުންނާއި ރައްޔިތުންގެ ފަރާތުން މަޝްވަރާ އަރުވާ އާންމުންނެވެ. ކަތީބުންނަށް ވުރެ މި ބޮޑުބާރައިންގެ ބަސް ގަދަ ކަމުގައިވެއެވެ. ކާޑުގެ (ރަށުގެ ވިޔަފާރި) ހިންގުމުގައި އެ މީހުން ތިބެއެވެ. އަމިއްލަ އޮޑި ފަހަރުގައި ބޭރު ދަތުރުކޮށް ރަށްރަށުގައި އަމިއްލަ އިގްތިސާދެއް އޮތެވެ.
ޒަމާން ބަދަލުވެ މިއީ ހިންގުމުގެ އާ ދުވަސްވަރެކެވެ. މާޒީ ބަލަން ވާނީ މުޅި މާޒީގެ ހިދުމަތްތެރިންނަށް ނަފްރަތު ނުލައެވެ. އޭރުގެ ހިންގުންތެރިކަންވެސް ދަނެގެނެވެ.
