ފެމެލީ ކޯޓު އިސްގާޒީ މާހިރަކީ ނަޒާހަތްތެރިއެއް ކުރީގެ ޕްރޮސެކިއުޓަރ ޖެނެރަލް އަދި ސިންގަޕޫރަށް ރާއްޖެއިން ކަނޑައަޅުއްވާފައިވާ ސަފީރު މުހްތާޒް މުހްސިން ވިދާޅުވެއްޖެ އެވެ.
ޖޭއެސްސީއަށް ފަނޑިޔާރު މާހިރުގެ މައްސަލައެއް ހުށަހެޅި ހަބަރެއް ސެއަރ ކުރައްވައި ކުރިން ގާޒީކަން ވެސް ކުރައްވާފައިވާ މުހްތާޒް ވިދާޅުވީ ފަނޑިޔާރުންނަކީ ދިފާއުގައި އާއްމް ސަރަހައްދުތަކާއި ނޫސް މަޖައްލާތަކުގައި ވާހަކަ ދެއްކޭނެ ބޭފުޅުން ނޫން ކަމަށާއި މާހިރަކީ ކޮން ބޭފުޅެއް ޝަރުއީ ދާއިރާ ރަނގަޅަށް ދެނެވަޑައިގަންނަވާނެ ކަމަށެވެ.
“ފަނޑިޔާރުންނަކީ ދިފާއުގައި ވާހަކަދެއްކޭނޭ ބައެއްނޫން. އެއްމެފަރާތެއްގެ ތަފްސީލީ ޝަކުވާއެއް އެކަނި ޚަބަރަކަށް ހެއްދެވި އިރު ކަމުގެ ހަގީގަތް ޑީ.ޖޭ.އޭ އިން އޮޅުންފިލުވުމަށް ސުވާލުކޮށްލެއްވިނަމަ ރަނގަޅުވީސް. ގާޟީ މާހިރަކީ ކޮންބޭފުޅެއްކަން ތިޔަ ޝަކުވާ ހަށަހެޅުއްވި ފަރާތަށާއި ޚަބަރު ލިޔުއްވި ފަރާތަށް ނޭނގުނަސް މުޅި ޝަރުއީދާއިރާ އެމަނިކުފާނުގެ ނަޒާހަތްތެރިކަމަށް ހެކިވާނެ.“
މުހްތާޒް ވިދާޅުވީ ޑީޖޭއޭ އިން މިކަމުގެ މައުލޫމާތު ހަބަރުތައް ގެނެސްދެއްވާ ނޫސްވެރިން ސާފް ކުރެއްވުމަށް ވަނީ އެދިވަޑައިގެންފަ އެވެ.
