ކުރިއަށް އޮތްލޯކަލް ކައުންސިލް އިންތިހާބުގައި އެބޭފުޅާ މާލޭގެ މޭޔަރުކަމަށް ހޮއްވަވައިފިއްޔާ މާލޭގެ ތަރައްގީއަށް ކުރައްވާނީ ހަމައެކަނި މާލޭގެ މަގުމަތީގެ ކާނު ސާފްކުރުން ނޫން ކަމަށާއި، އެއަށްވުރެ ބޮޑެތި ނުކުރެވި ހުރިކަން ދަނެގަނެ އެކަންކަން ހައްލުކުރުމަށް މަސައްކަތް ކުރަމުންދާނެކަމަށް މެދުހެންވޭރު ދާއިރާގެ ކުރީގެ މެމްބަރު އަލީ އާޒިމް ވިދާޅުވެއްޖެއެވެ.
އަލީ އާޒިމް މިހެން ވިދާޅުވީ ދިވެހިޗެނެލްގެ ހަވާސާގައި ވާހަކަ ދައްކަވަމުންނެވެ. އެގޮތުން ވިދާޅުވީ މައިގަނޑު ފަސްކަމަކަށް ބަލާނެ ކަމަށެވެ. ޙާއްސަކޮށް އަދި މާލޭގެ ރައްޔިތުން އެންމެ ބޭނުންވާކަންކަން ފަހިކޮށްދެއްވުމަށް ކޮށްދެވެން ހުރި ހުރިހާކަމެއްވެސް ބަލާ ކުރިއަށްދާނެ ކަމަށެވެ.
ިއާޒިމް ވިދާޅުވީ މޭޔަރުކަމުގެ އިންތިހާބު ކާމިޔާބުކުރަން އަޅާ ފުރަތަމަ ފިޔަވަޅެއްގެ ގޮތުގައި ރައްޔިތުންގެ ތާއީދާއެކު އިންތިހާބުގައި ވާދަކުރަން އެމްޑީޕީގެ ޓިކެޓު ފަސޭހަ ކަމާއެކު ކާމިޔާބުކުރާނެ ކަމަށެވެ. މީގެކުރިން މާލޭސިޓީ ކައުންސިލް ހިނގި ފަރާތްތަކުން ރައްޔިތުންގެ ފައިސާ ބޭނުން ކޮށްފައި ހުރީ ކިހިނެތްތޯ ބަލާނެ ކަމަށެވެ. އަދި މާލެ ސިޓީ ކައުންސިލުން މީގެ ކުރިން ކަމެއް ގޯސްކޮން ކޮށްފައިވޭ ތޯ ބަލާ އެކަމަށް ފިޔަވަޅު އަޅާ، އެކަންކަން ބަލާ ތަހްގީގު ކޮށް ފޮނުވައްޖެހޭ ފަރާތްތަކަށް ފޮނުވުމަކީ މާލެގެ ރައްޔިތުން ބޭނުންވާނެ ކަންކަން ކަމަށް ވެސް އާޒިމް ވިދާޅުވިއެވެ.
އާޒިމް ވިދާޅުވީ މާލޭގައި ސައިކަލާއި އެކި އުޅަނދުތައްވެސް މާލޭގައި މަގުމަތީގައި ފުނި ޖެހެމުންދާއިރު އެކަން ހައްލުކުރުމަށްވެސް މާބޮޑުމަސައްކަތެއް ކުރެވިފަނުވާކަމަށެވެ. މާލޭގެ ތަރައްގީ އަށް ވިސްނާނަމަ ގަސް އިންދުމާއި ކާނު ސާފްކުރުމަށްވުރެ މަގުމަތީގަ މިހުންނަށް އަމާންކަމާއެކު އުޅުމަށް ޖާގަހެދުންވެސް މާރަނގަޅުވާނެ ކަމަށް އާޒިމް ވިދާޅުވިއެވެ.
އެމްޑީޕީގެ ޓިކެޓުގައި މާލޭގެ މޭޔަރު ކަމަށް ވާދަކުރުމަށް އަލީ އާޒިމްގެ ކެމްޕެއިން ފެށީ 20 ނޮވެމްބަރުގައެވެ. އާޓިފިޝަލް ބީޗުގައި ބޭއްވި އެ ހަރަކާތުގައި އެ ޕާޓީގެ ގައުމީ މަޖިލީހަށް ނިސްބަތްވާ ގިނަ މެމްބަރުންނާއި އާއްމުން ބައިވެރިވި އެވެ.
