ސްކޫލް ބަންދުގައި އުމްރާ އަށް ދާން މޯލްޑިވިއަންގެ ހާއްސަ ދަތުރުތަކެއް ޝެޑިއުލްކޮށްފިއެވެ.
މޯލްޑިވިއަނުން މިއަދު ބުނީ އެ ދަތުރުތައް ޝެޑިއުލް ކޮށްފައިވަނީ ރާއްޖެއިން ޑައިރެކްޓްކޮށް ސައުދީ އަރަބިއްޔާގެ ޖިއްދާއަށް ކަމަށެވެ.
މާލެއިން، ޖިއްދާ އަށް ތިން ފްލައިޓެއް ބާއްވާނެ ކަމަށާއި އެއީ މި މަހުގެ 27 އަދި 28 ވަނަ ދުވަހުގައި ކަމަށް މޯލްޑިވިއަނުން ބުންޏެވެ. ޖިއްދާއިން، މާލެ އަށް އަންނަން ޖެނުއަރީ 10، 11 އަދި 12 އަށް، ފްލައިޓެއް ތާވަލު ކޮށްފައިވާނެ ކަމަށް މޯލްޑިވިއަނުން ބުންޏެވެ.
އެ ދަތުރުގެ ދެކޮޅު ޓިކެޓަކީ 750 ޑޮލަރު ކަމަށާއި ފަސިންޖަރުންނަށް 45 ކިލޯގެ ބެގޭޖު އެލެވަންސެއް ލިބޭނެ ކަމަށް މޯލްޑިވިއަނުން ބުންޏެވެ.
މޯލްޑިވިއަނުން ބުނީ އެ ދަތުރުތަކުގެ ޖާގަ ކަށަވަރު ކުރުމަށްޓަކައި، މި މަހުގެ 20 ވަނަ ދުވަހުގެ ކުރިން ބުކިން ހެދުމަށް ހުޅުވާލާ ކަމަށެވެ.
ގުޅުންހުރި ލިޔުންތައް
