އީރާނަށް އެމެރިކާއިން ހަމަލާ ދޭނެކަމަށް އީރާނުގެ ލީޑަރޝިޕްގެ ފަރާތުން ޔަގީންކޮށް، މުޅި އީރާނު މިހާރު އޮތީ އެންމެ މަތީ ސަމާލުކަމަށް ގެނެސްފައި. އީރާނު މިހާރު އޮތީ ރަތް ސަމާލުގައެވެ.
އީރާނު އަސްކަރިއްޔާގެ ހުރިހާ ގޮފިތަކުން ވަނީ ވަރަށް ބޮޑު ބައްދަލުވުމެއް ބާއްވައި އީރާނުގެ އެންމެ ނުރައްކާތެރި ހަތިޔާރުތަށް ތައްޔާރީ ހާލަތުގައި ބަހައްޓައި ގައުމުގެ ދިފާއުގައި ކުރެވެންހުރި ހުރިހާ މަސައްކަތްތަކެއް ކުރުމަށް ހުވާ ކޮށްފައެވެ.
އެމެރިކާ އަކީ ދުނިޔޭގެ އެންމެ ވަރުގަދަ ބާރުކަމުގައި ވިޔަސް އީރާނުން ހިތްވަރާއި ސާބިތުކަންމަތީ ހަނގުރާމަކޮށް އެންމެ ފަހު ވިންދާ ޖެހެންދެން ވެސް ކުރިމަތިލާ ގައުމު ދިފާއުކުރުމަށް ވަނީ އަހުދު ކަށަވަރުވެފައެވެ.
އެމެރިކާގެ އަސްކަރީ ސިފައިން މިހާރު ވަނީ އީރާނުގެ ވަށައިގެން އެކި ހިސާބުތަކުގައި ހަމަޖެހިލައިގެން އީރާނާ ހަނގުރާމަ ކުރުމަށް ތައްޔާރުވެފަައެވެ. މިހާރު މަޑުކޮށްގެން އެތިބީ ޓުރަމްޕްގެ ހުއްދަ އަންނާނޭ ވަގުތަކަށް ކަމަށް ހަބަރުތައް ބުނެއެެވެ.
އީރާނުން ވަނީ މުޅި އަސްކަރިއްޔާ ރުކުރުވާލާ އަސްކަރީ ގޮފިތަކުގެ މަސައްކަތް ވިސްނުމާއި ހިތްވަރާއެކު ކުރުމަށް ހަވާލުކޮށްފައެވެ. އޭގެތެރޭގައި ކަނޑާއި ވައިގެ އަދި އެއްގަމުގެ ލަސްކަރުތަށް އެންމެ މަތީ ދަރަޖައަށް ސަމާލުކަމަށް ވަނީ ގެނެސްފައެވެ.
އީރާނުން ތައްޔާރަށް ތިބީ އެމެރިކާ ނުވަތަ އިސްރާއީލުން ހަމަލާ ދޭނެ ވަގުތެއްގެ އިންތިޒާރުގައެވެ. ނުރަސްމީ މަސްދަރުތަކުން ބުނާގޮތުގައި ހަނގުރާމަ ފެށިއްޖެ ހާލަތެއްގައި، އީރާނުން ތަފާތު ހަތިޔާރެއް ބޭނުން ކުރުން އެކަށީގެންވާ ކަމަށާއި އަދި އީރާނުގެ ހައިޕާސޮނިކު މިސައިލް އުފެއްދި މިންވަރު ވަރަށް ބޮޑަށް ވަނީ އިތުރުކޮށްފައެވެ. ހަނގުރާމައިގެ ތަހުލީލުތައް ކުރާ ފަރާތްތަކުން ބުނާގޮތުގައި ހަނގުރާމަ ފެށިއްޖެ ނަމަ ހުރިހާ ގެއްލުމެއް ލިބިގެން ދާނީ ޔަހޫދީ އިޒްރޭލަށެވެ. އިޒްރޭލަށް ކެތް ނުވާ ވަރު ވުމުން އެމެރިކާއަށް ހަނގުރާމަ އަށް ބަދަލު ގެނައުމަށް މަޖުބޫރު ވެގެން ދިއުމަކީ ވެދާނެކަމެކެވެ. ނަމަވެސް އެމެރިކާގެ ހަމަލާ ދިނުމުގެ ޕުލޭން އަދި އޮތްގޮތެއް އެނގިގެން ނުވެއެވެ. އީރާނުން ބުނެފައި ވަނީ ހަނގުރާމަ އެއްވެސް ފަރާތަކުން ބުނެގެން މެދު ކަނޑާ ނުލާނެ ކަމަށެވެ. އަދި ހަނގުރާމަ ވަކިގޮތެއް ވަންދެން ކުރިއަށް ގެންދިއުމަށް ވަނީ ފާސްކޮށްފައި ކަމަށެވެ. އެއީ ޝަހީދުވުން ނުވަތަ ނަސްރު ލިބުމެވެ. އެކި އެކި މަސްދަރުތަކުން ބުނާގޮތުގައި ޓުރަމްޕް އީރާނަށް ހަމަލާ ދިނުމަށް ވަރަށް އަވަހަށް ހުއްދަ ދޭނެކަމަށް ބެލެވެއެވެ.
