1447 ވަނަ އަހަރުގެ ރަމަޟާން މަހު ކައިވެނި ކޮށްދިނުމަށް ހަމަޖެހިފައިވާ ގަޑިތައް ފެމިލީ ކޯޓުން އާއްމުކޮށްފިއެވެ.
ފެމިލީ ކޯޓުން ބުނީ މި ރަމަޟާން މަހު ކޯޓުގައި ކައިވެނިކޮށްދޭ ގަޑިތަކުގެ ތެރޭގައި ހިމެނެނީ، ރަސްމީ ދުވަސްތަކުގައި ހެނދުނު 9:30 އިން މެންދުރު 12:00 އަށް، މެންދުރު 2:00 އިން ހަވީރު 4:30 އަށް އަދި ރޭގަނޑު 9:45 އިން 10:45 އަށެވެ.
މީގެ އިތުރުން ހަފްތާ ބަންދު (ހުކުރު އަދި ހޮނިހިރު) ރޭގަނޑު 9:45 އިން 10:45 އަށް ކަމަށްވެސް ފެމިލީ ކޯޓުން ބުނެފައިވެއެވެ.
ފެމިލީ ކޯޓުން ބުނީ ބޭރުގައި ކައިވެނިކޮށްދޭ ގަޑިތަކަކީ ހުކުރު ދުވަސް ފިޔަވާއި އެހެން ދުވަސްތަކުގައި، މެންދުރު 2:00 އިން ހަވީރު 4:30 އަށް އަދި ރޭގަނޑު 9:45 އިން 10:45 އަށް ކަމަށެވެ. އަދި ހުކުރު ދުވަސްތަކުގައި 9:45 އިން 10:45 އަށް ކަމަށްވެސް ކޯޓުން މައުލޫމާތު ދީފައިވެއެވެ.
ގުޅުންހުރި ލިޔުންތައް
