ދެކުނަށް ޓޫރިޒަމްގެ ބޮޑު އިންގިލާބެއް ގެނެސް އުތުރަށް ހަރަކާތްތެރި، މިނިވަން އިގުތިސާދެއް ގެންނާނެ ގޮތުގެ ތަސައްވުރެއް ޑިމޮކްރެޓްސް އިން ހުށަހަޅައިފި އެވެ.
ހޮނިހިރު ދުވަހު އޮންނަ ރިޔާސީ އިންތިހާބުގައި ޑިމޮކްރެޓްސްގެ ފަރާތުން ވާދަކުރައްވާ އިލްޔާސް ލަބީބުގެ މެނިފެސްޓޯގައި ހިމެނޭ ދެކުނު އަދި އުތުރުގެ ތަސައްވުރު ރޭ ވަނީ ހާމަކުރައްވާފަ އެވެ. އެ ތަސައްވުރުގައިވާ ގޮތުން އުތުރުގެ ކުޅުދުއްފުށި، ދިއްދޫ އަދި ދެކުނުގެ އައްޑޫ، ފުވައްމުލައް އަދި ހުވަދު އަށް ބޮޑު އިންތިލާބެއް ގެންނަން ހިމަނާފައިވެ އެވެ.
ޑިމޮކްރެޓްސް އިން ތަސައްވުރުކުރާ ގޮތަކީ ތިލަދުންމަތި، ރާއްޖޭގެ ހާއްސަ އިގުތިސާދީ ސަރަހައްދެއްގެ ގޮތުގައި އަލުން އަނބުރާ ގެނައުމެވެ. އެ ތަސައްވުރު ހާސިލްކުރުމަށް ދިއްދޫ-ކުޅުދުއްފުށީ ހިމެނޭ ގޮތަށް އަތޮޅުގެ ދެ ބިތަށް ބޮޑެތި ބަދަލުތެކެއް ގެނައުމަށް ހިމަނާފައިވެ އެވެ.
