ކާޅަކީ ބުއްދިވެރި އަދި އެހާމެ ނުރައްކާތެރި އެއްޗެއްކެވެ. ކާޅު ހިމެނިފައިވަނީ ދިރޭތަކެތީގެ ތެރޭގައި ހިމެނޭ 5 ފާސިޤުންގެ ލިސްޓުގެ އެއްވަނައިގައެވެ. ނަބިއްޔާ ﷺ ޙަދީޘްކުރެއްވިއެވެ. ((خمس من الدواب كلهن فواسق. يقتلن في الحل والحرم: الغراب..)) ”ދިރޭތަކެތީގެ ތެރޭގައި ފާސިޤު 5 އެއްޗެއް ވެއެވެ. ޙަރަމްގެ ތެރެއިންނާއި ޙަރަމްގެ ބޭރުންވެސް އެތަކެތި މެރުންހުއްޓެވެ. (ފުރަތަމައީ) ކާޅެވެ.“
އާދެ! ކާޅަކީ އެއަށް ގޯނާ ކޮށްފި މީހަކަށް ބަދަލު ހިފާ އެއްޗެކެވެ. އަދި އެއީ ސިޙުރު އުފުލައިދޭވެސް އެއްޗެކެވެ. ސިޙުރުވެރީން އެމީހުންގެ ސިޙުރުން ގެއްލުން ދިނުމަށް ބޭނުންވާ މީހާއަށް ޙަމަލާ ދިނުމަށް ކާޅު ބޭނުންކުރެއެވެ. އަޅުގަނޑަށް މިފަހުން މީގެ 2-3 ކޭސް ދިމާވެއްޖެއެވެ. އޭގެ ތެރެއިން ޢާއިލާއަކުން ބުނީ ކާޅުތައް ތިބެނީ ގެއިން ނުކުންނަތަން ބަލަން ކަމަށެވެ. ގަޔާ ދިމާއަށް އައިސް ބޮލުގައި ކޮށާ ހިސާބަށް ދިއުމުން އަނބި ދަރިންނާ ހުރިހާ އެންމެން މިހާރު އުޅެން ޖެހިފައި މިވަނީ ހެލްމެޓް އަޅައިގެން ކަމަށެވެ.
ކާޅުގެ ނުރައްކަލާ ކުރިމަތިލާން ޖެހިއްޖެ ނަމަ އާދައިގެ ކަމަކަށް ހަދައި ދޫކޮށް ނުލައްވައްޗެވެ. ވީޑިއޯއިން މިފެންނަނީ ކާޅުގެ ބާވަތެއް އައިސް މީހެއްގެ ލޯ ޖަހައިގަނެގެން ދާ މަންޒަރެވެ.
ބައެއް ރިވާޔަތްތަކުގައި ވާގޮތުން މިބާވަތުގެ ކާޅު (ހުދު ކުލައާއި ކަޅު ކުލަ ހިމެނޭ ކާޅު) މެރުމަށް އަމުރު ކުރެވިފައިވެއެވެ. ޢިލްމުގެ އަހުލުވެރީންގެ ތެރެއިންވެސް ގިނަ ޢިލްމުވެރީން ވިދާަޅުވަނީ މެރުން ހުއްދައީ މިބާވަތުގެ ކާޅު ކަމަށެވެ. މިވައްތަރުގެ ކާޅަށް ޙަދީޘްގައި އައިސްފައިވަނީ غُرابُ الأَبْقَع އެވެ.
