ދުނިޔޭގެ އެތައް މިލިއަން ފަރުދުންނަށް މަހުން މަހަށް މައްސަރު ކަންތައް އައުމަކީ ހަމައެކަނި ބަޔޮލޮޖިކަލް ކަމެއް ނޫނެނެވެ. އޭގެއިތުރުން ޖިސްމާނީ އަދި ނަފްސާނީ ތަޖުރިބާތަކެއް ވެސް ގެނެސްދޭ ކަމެކެވެ. މިއީ ”މައްސަރު ތަދު“، ސިއްހީ ބަހުންނަމަ ”ޑިސްމެނޯރިއާ“ގެ ނަން ދެވިފައިވާ ކަމެކެވެ.
މައްސަރު ކަންތައްތަކާ ބެހޭ ގޮތުން ފާޅުގައި މަޝްވަރާ ކުރުމުގައި މުޖުތަމައު ކުރިއެރުންތަކެއް ހޯދާފައިވާއިރު، މައްސަރު ދުވަސްވަރު ދިމާވާ ތަދުތަކާއި ގުޅޭ މައުޟޫއު އަދިވެސް އޮތީ ހިމޭންކަމުގެ ތެރޭގައި ފޮރުވިފައެވެ. މިކަމަށް ފުޅާދާއިރާއެއްގައި މި މައްސަލައަށް އަލިއަޅުވާލާ، އޭގެ ސަބަބުތަކާއި، އަސަރުތަކާއި، ލުއި ލިބޭނެ މަގުތަކާއި ބެހޭގޮތުން ވާހަކަތައް ދެކެވުން މުހިންމެވެ.
މައްސަރު ރިހުން ތަކުގެ ގަދަމިނާއި މުއްދަތު ތަފާތުވެ، އެކި ފަރުދުންނަށް އެކި ގޮތަކަށް އަސަރުކުރެއެވެ. ބައެއް މީހުންނަށް އެއީ ބޭސްފިހާރައިން ގަންނަ ތަދު ފިލުވާ ބޭސްތަކުން ފަސޭހައިން ހައްލު ކުރެވޭ ކުޑަ އުނދަގުލެކެވެ. އަނެއް ބަޔަކަށް އެއީ ދުވަހުން ދުވަހަށް ކުރާ ކަންކަމާއި ދިރިއުޅުމުގެ ކަންކަމަށް ބުރޫއަރާ ނާޒުކު ހާލަތެކެވެ. ހޯރމޯންތަކަށް އަންނަ ބަދަލުތަކުގެ ސަބަބުން ކުރިމަތިވާ ޕްރައިމަރީ ޑިސްމެނޯރިއާ އަކީ މަައްސަރު ރިއްސުމުގެ އެންމެ އާންމު ގޮތެވެ. ގިނަ ފަހަރަށް އެންޑޯމެޓްރިއޯސިސް ނުވަތަ ފައިބްރޮއިޑްސް ފަދަ ސިއްހީ ހާލަތްތަކާ ގުޅިފައިވާ ސެކަންޑަރީ ޑިސްމެނޯރިއާ އަކީ އިތުރު ގޮންޖެހުންތަކެއް ކުރިމަތިވާ ކަމެކެވެ.
މައްސަރު ތަދުގެ އަސަރުތައް ޖިސްމާނީ ނުތަނަވަސްކަމުން ފުޅާވެ، ދިރިއުޅުމުގެ އެކި ކަންކަމަސްވެސް އަސަރުކުރުވައެވެ. ސްކޫލް ނުވަތަ އޮފީހަށް ނިކުންނަހިތް ނުވުމުން ފެށިގެން ގާތް ގުޅުންތައް ގޯސްވެ އުފެއްދުންތެރިކަން ދަށްވުމާ ހަމައަށް މައްސަރު ތަދުގެ އަސަރު ވަރަށް ބޮޑަށް ކުރުވައެވެ.
މައްސަރު ތަދަކީ އުނދަގޫ ކަމަކަށްވީ ނަމަވެސް، އަލާމާތްތައް ކުޑަކޮށް، ދުޅަހެޔޮކަން އިތުރުކުރުމަށް ބޭނުންކުރެވިދާނެ އުކުޅުތަކެއް އެބަހުއްޓެވެ. އޭގެ ތެރޭގައި ހިމެނެނީ؛
ތަދު ކަނޑުވަން ބޭސް: ޕެރަސެޓަމޯލް ނުވަތަ ޕީރިއަޑް ތަދަށް ޙާއްސަ ބޭސްތަކުން އުނދަގޫ ފިލުވައިދެއެވެ. ހީޓް ތެރަޕީ، ހީޓިން ޕެޑް ނުވަތަ ހޫނު ފެން މެދުވެރިކޮށް ވެސް ލުއި ލިބިދާނެ އެވެ.
ދުޅަހެޔޮ ދިރިއުޅުމުގެ އާދަތައް: ގަވާއިދުން ކަސްރަތު ކުރުމާއި، ބެލެންސްޑް ޑައިޓް ބޭނުންކުރުމާއި، އެކަށީގެންވާ ވަރަށް ފެން ބުއިމަކީ ހޯރމޯން ރެގިއުލޭޓްކޮށް، އަލާމާތްތަކުގެ އަސަރު ކުޑަކޮށްދޭ ކަމެކެވެ.
ސްޓްރެސް މެނޭޖްކުރުން: މައިންޑްފުލްނެސް، މެޑިޓޭޝަން ނުވަތަ ޑީޕް ބްރީތިންގ ކަސްރަތު ފަދަ ރިލެކްޒޭޝަން ޓެކްނިކްސް ބޭނުންކޮށްގެން ކަސްރަތު ކުރުމަކީ ސްޓްރެސް ކުޑަކޮށްދީ ޕީރިއަޑް ރިހުން ލުއިކޮށްދޭނެ ކަމެކެވެ.
އިތުރު ފަރުވާތައް: ބައެއް ފަރާތްތަކަށް ލުއި ލިބެނީ އެކިއުޕަންޗާ، ޔޯގާ ނުވަތަ ސަޕްލިމެންޓް ބޭނުންކުރެއެވެ. އެހެންނަމަވެސް މި ގޮތްތައް ތަޖުރިބާ ކުރުމުގެ ކުރިން ސިއްހީ ދާއިރާގެ ފަންނީ ބޭފުޅުންނާ މަޝްވަރާ ކުރުމަކީ ކޮންމެހެން ކުރަންޖެހޭ ކަމެކެވެ.
މައްސަރު ތަދަށް ހައްލެއް ހޯދުމަށް ބޭނުންވަނީ ސިއްހީ ފަރުވާ، އަދި މުޖުތަމައުގެ ވިސްނުންތައް ހިމެނޭ ގިނަ ފަރާތްތަކެއް އެކުލެވޭ އުސޫލެކެވެ.
ތަޢުލީމާއި ހޭލުންތެރިކަން: ސްކޫލްތަކާއި މުޖުތަމަޢުތަކުގައި މައްސަރު ކަންތައްތަކުގެ ސިއްޙަތުގެ ފުރިހަމަ ތަޢުލީމު ކުރިއެރުވުމަކީ ފަރުދުންނަށް އެމީހުންގެ ހަށިގަނޑު ދެނެގަނެ، އެކަށީގެންވާ ފަރުވާއެއް ހޯދުމަށް ބާރުވެރިކުރެވޭނެ ކަމެކެވެ.
ހެލްތްކެއާ ލިބޭނެ ގޮތް: ރިޕްރޮޑަކްޓިވް ހެލްތްކެއާ އާއި ޕެއިން މެނޭޖްމަންޓް އުސޫލް ހިމެނޭ ގޮތަށް ސިއްހީ ހިދުމަތްތައް ހަމަހަމަކަމާއެކު ލިބޭނެ ގޮތް ކަށަވަރުކުރުމަކީ ޕީރިއަޑް ތަދަށް ހައްލެއް ހޯދުމަށް ކޮންމެހެން ބޭނުންތެރި ކަމެކެވެ.
ހޭލުންތެރިކުރުން: މައްސަރު ކަންތައްތަކުގެ ވާހަކައިގެ ގޮންޖެހުންތަކާއި ތަދާ ބެހޭ ގޮތުން ފާޅުގައިވާހަކަ ދައްކަން ބާރުއެޅުމަކީ ސަޕޯޓާއި ފަރުވާ ހޯދުމަށް ހުރި ހުރަސްތައް ނައްތާލުމަށް އެހީތެރިވެދޭނެ ކަމެކެވެ.
