ރައީސް އަބްދުﷲ ޔާމީންގެ ވެރިކަމުގައި އެންވާރަމަންޓު މިނިސްޓަރު ކަމުގެ މަގާމުގައި ހުންނެވި، ތޯރިގް އިބްރާހީމްގެ މަންމާފުޅު މިއަދު ހެނދުނު ނިޔާވެއްޖެ އެވެ.
ތޯރިގް ފޭސްބުކުގައި ލިޔުއްވާފައިވާ ގޮތުގައި މަންމާފުޅު ނިޔާވެފައިވަނީ، ކޮވިޑް-19 ގެ އާލާސްކަންފުޅަށް ފަރުވާ ހޯއްދަވަމުން ގެންދަވަނިކޮށް މިއަދު ހެނދުނު އޭޑީކޭ ހޮސްޕިޓަލުގަ އެވެ. ނިޔާވި އިރު ތޯރިގް ގެ މަންމާފުޅުގެ އުމުރުފުޅަކީ، 77 އަހަރެވެ.
މިއީ ކޮވިޑް-19 ގެ ސަބަބުން މި މަހު ރާއްޖެއިން ނިޔާވި 4 ވަނަ މީހާ އެވެ.
ފަހަކަށް އައިސް ރާއްޖޭގައި ކޮވިޑް-19 ގެ ކޭސްތައް އިތުރުވަމުން އަންނަ އިރު، ސަލާމަތުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސް ކޮށްފަ އެވެ. އެގޮތުން ހޮސްޕިޓަލުތަކަށް ދާއިރު، މާސްކު އެޅުންފަދަ ކަންކަމަށް ސަމާލުވުމަށް އެޗްޕީއޭއިން ވަނީ އިލްތިމާސް ކޮށްފަ އެވެ.
ގުޅުންހުރި ލިޔުންތައް
